16.6 C
Pontevedra
Venres, 14 de Xuño de 2024
Máis
    HomeÉ NoticiaNovos datos sobre a repercusión da folga de sanidade

    Novos datos sobre a repercusión da folga de sanidade

    A Consellería de Sanidade e o Servizo Galego de Saúde respectan a decisión dos profesionais que decidiron secundar a folga. A Xunta segue apostando polo diálogo e o consenso con todos os actores implicados no fortalecemento da sanidade pública galega. O 85,8% do persoal acode a traballar na primeira xornada de folga convocada por un sindicato médico.

    A folga convocada na xornada de hoxe está a ter un seguimento global do 14,2 %. Ademais, no caso dos centros de atención primaria está a ser secundada polo 5,38 % dos facultativos.

    Por áreas sanitarias, o seguimento é do 11,38 % na Área Sanitaria da Coruña e Cee; do 12,90 % na Área Sanitaria de Ferrol; do 13,91 % na Área Sanitaria de Santiago de Compostela e Barbanza; do 15,31 % na Área Sanitaria de Lugo, A Mariña e Monforte de Lemos; do 12,86 % na Área Sanitaria de Ourense, Verín e O Barco de Valdeorras; do 6,99 % na Área Sanitaria de Pontevedra e O Salnés; e do 23,71 % na Área Sanitaria de Vigo.

    A folga motivou a suspensión de 163 cirurxías (o que supón o 26 % da actividad media diaria), máis de 3.700 consultas externas CCEE (19 %), e tiveron que posporse casi 400 probas (2,88 %).

    A Administración sanitaria tamén destaca que o grao de cumprimento dos servizos mínimos durante a xornada é do 100 %.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.