Co inicio do mes de marzo, a Deputación de Pontevedra arranca tamén o programa “DEPOrte Escolas”. A partir deste próximo luns, máis de 650 nenos e nenas en idade escolar da provincia practicarán nas diferentes escolas deportivas ata nove modalidades, atletismo, baloncesto, balonmán, judo, loita, patinaxe, piragüismo, rugby e tawkwondo. Este programa, de carácter gratuíto, levarase a cabo grazas á colaboración e coordinación da Deputación coas federacións deportivas
As escolas que se desenvolven no marco deste programa prolongaranse ata o mes de xuño, excepto as da modalidade de piragüismo que rematarán no mes de setembro. Todas elas seguirán o protocolo FISICOVID-DXTGALEGO para garantir a seguridade sanitaria na súa realización así como cunha persoa responsable designada por cada federación.
Deste xeito, a Deputación de Pontevedra segue a fomentar achegando as DeporteEscolas a 27 concellos da provincia, que neste caso son A Cañiza, A Guarda, Baiona, Barro, Bueu, Cambados, Cangas, Cerdedo-Cotobade, Forcarei, Gondomar, Mondariz, Moraña, Oia, O Rosal, Pazos de Borbén, Pontevedra, Ponteareas, Ponte Caldelas, Redondela, Ribadumia, Rodeiro, Tomiño, Tui, Valga, Vigo, Vila de Cruces e Vilagarcía de Arousa.