15.5 C
Pontevedra
Sábado, 22 de Xuño de 2024
Máis
    HomeÉ NoticiaMáis de 150.000 euros da Deputación para 9 puntos limpos da provincia

    Máis de 150.000 euros da Deputación para 9 puntos limpos da provincia

    A actuación permitirá a adaptación dos puntos limpos para o cumprimento da normativa europea e española para o tratamento do “lixo tecnolóxico”

    A Deputación de Pontevedra vén de aprobar en Xunta de Goberno a adxudicación do contrato de subministración de equipamentos para os 9 puntos limpos da provincia dentro do programa europeo cofinanciado polo Feder ao 75% no marco do programa operativo de cooperación transfronteiriza España-Portugal 2014-2020. Deste xeito, o goberno de Carmela Silva destina máis de 150.000 euros a estas actuacións.

    A presidenta da Deputación enxalzou que “o obxectivo deste proxecto ten que ver coa nosa aposta prioritaria pola transición ecolóxica e coa xestión e recollida dos Residuos Eléctricos e Electrónicos”, e explicou que o acondicionamento destes nove puntos limpos permitirá o cumprimento da normativa europea e española para o tratamento do “lixo tecnolóxico”. Tal e como indicou Silva, os puntos limpos de Silleda, Ponteareas, Mancomunidade do Morrazo, A Lama, A Guarda, Nigrán e Gondomar teñen un prazo de execución do contrato de dous meses; o punto limpo de Meaño, de mes e medio; e o de Vilagarcía, de tres meses.

    A Deputación de Pontevedra conseguiu os fondos FEDER e asumiu o liderado do proxecto ESTRAEE, xunto con outros tres socios españois (Revertia, ERP España e Energy Lab) e dous portugueses (ERP Portugal e Liport). Este proxecto busca dar un salto cualitativo na xestión ambiental e na adaptación á estratexia europea 2020 no ámbito de protección dos recursos naturais e eficiencia na xestión dos residuos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.