15.2 C
Pontevedra
Domingo, 24 de Outubro de 2021
Máis
    HomeÉ NoticiaGonzalo Caballero pide estratexias para mobilizar 20.000 millóns de euros para "remontar...

    Gonzalo Caballero pide estratexias para mobilizar 20.000 millóns de euros para “remontar a cris máis profunda do noso país”

    O PSdeG constitúe dez grupos de traballo para “nutrir” a comisión da reconstrución, que ten que deseñar a orientación para construír “unha Galicia de progreso, con futuro e que protexa á cidadanía”

    O secretario xeral do PSdeG, Gonzalo Caballero, mantivo onte unha xuntanza cos dez coordinadores dos grupos de traballo constituídos polos socialistas para “nutrir” a comisión parlamentaria para a reconstrución de Galicia e cifrou en 20.000 millóns de euros as inversións en iniciativas públicas e público-privadas que fan falta, no horizonte 2021-2027, para “remontar a crise máis profunda do noso país”.

    “Temos que establecer estratexias e sinerxias para mobilizar 20.000 millóns de euros de inversións en iniciativas públicas e público-privadas incorporando fondos europeos e de todas as administracións”, defendeu Gonzalo Caballero.

    Ao fío disto, o líder do PSdeG recordou que esta semana Feijóo presentou distintos proxectos ao amparo dos fondos comunitarios “con moita parafernalia pero pouco contido” sobre o efecto deses proxectos no desenvolvemento de Galicia. “Falta”, dixo, “unha definición das liñas de acción estratéxicas”.

    A ese respecto, subliñou que “é fundamental aproveitar as posibilidades que dá a UE”, pero puntualizou que esa formulación é “a medio prazo”. “Pero no corto prazo, á vez que se formulan as propostas europeas, Galicia necesita un goberno que tome decisións cada día”, recalcou Gonzalo Caballero.

    “No corto prazo hai que protexer á xente, pero á Xunta está ausente en moitos eidos”, recalcou o dirixente socialista, quen reprobou que o goberno galego “quere converter á atención primaria nun servizo telefónico”, non responde ás necesidades dunha hostalería que está “paralizada”, “non fortalece a educación ante os riscos da pandemia” nin atende aos retrocesos en igualdade como consecuencia da crise.

    “Unha Galicia con futuro”

    Neste contexto, Gonzalo Caballero comprometeu que o PSdeG traballará “con firmeza, con propostas e con solvencia” na comisión de reconstrución do Parlamento galego, “por unha Galicia de progreso, con futuro e que protexa á cidadanía” ante esta crise.

    En vésperas da aprobación das normas de funcionamento dese órgano parlamentario, o secretario xeral defendeu que “non pode ser un paripé” senón que ten que servir para “orientar as medidas fundamentais” para que “Galicia e os galegos e galegas non quedemos atrás”. “Esta ten que ser a lexislatura da protección das persoas”, subliñou.

    Sobre todo, como indicou, porque “Galicia careceu de orientación estratéxica” na última década nos eidos económico, industrial e dos sectores produtivos. “Por iso é necesario formular agora as liñas básicas de reactivación do país”, incidiu.

    “Queremos pedir a PP e BNG que entendan que esta comisión é moi relevante, e que hai que dar tempo ás comparecencias e avaliar con madurez o ditame, para dar a Galicia as propostas que merece para remontar esta crise”, reivindicou Gonzalo Caballero, e asegurou que esa será a postura do PSdeG.

    Grupos de traballo

    Canto aos grupos de traballo, nunha xornada na que tamén participou Guillermo Meijón como coordinador dos deputados socialistas galegos no Congreso e o eurodeputado do PSdeG, Nicolás González Casares, Gonzalo Caballero explicou que servirán para reunir expertos en cada eido e para recibir tamén propostas da militancia e da sociedade en xeral.

    O primeiro dos grupos é o centrado na ‘Reconstrución económica e reactivación industrial’, que dirixirá Xoaquín Fernández Leiceaga; mentres que o de Sanidade recae en Julio Torrado, o de Política Social coordinarao Marina Ortega, Luis Álvarez estará a cargo do de Educación e Noa Díaz asumirá Cultura.

    Pola súa banda, o vicesecretario xeral do PSdeG, Pablo Arangüena, coordinará os traballos de ‘Medio ambiente e transición ecolóxica’, Icía García dirixirá os de Igualdade, do Medio Rural encargarase Martín Seco, Paloma Castro traballará no eido de ‘Xustiza, dereitos, liberdades e memoria democrática’ e Patricia Otero estará a fronte do grupo de Pesca.

    COLABORACIÓNS

    Desplazados en la sanidad

    La sanidad pública se mantiene como uno de esos pocos motivos de orgullo que le quedan al contribuyente. Nuestros impuestos mantienen un complejo entramado de centros sanitarios y profesionales que tejen una invisible red de seguridad a nuestro alrededor. Con independencia del motivo de consulta, el deseo de cualquier usuario es que la asistencia sea fluida, ágil y precisa. Necesitamos percibir que somos escuchados con atención y tratados con respeto, diligencia y empatía.

    Samuel Merino (Pompa e Boato), «Guantanamera (Poema nun só acto)»

    Primeiro poemario en galego de Samuel Merino, logo de dous textos en castelán («Enésima patada con amor» e «Trementina») que son dúas auténticas esgazaduras polas que esborrexe, pinga a pinga, a alma do autor. Naqueles primeiros versos, asinados baixo o pseudónimo de «Pompa e Boato», o poeta semella reconstruirse logo dun particular descenso aos seus propios infernos.

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Colaboradores

    Alberto Aliaga Sola
    13 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    47 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS