19.1 C
Pontevedra
Martes, 16 de Agosto de 2022
Máis
    HomeÉ NoticiaGalicia entrega lectores oculares para pacientes con trastornos neuromotores graves

    Galicia entrega lectores oculares para pacientes con trastornos neuromotores graves

    O conselleiro de Sanidade, Julio García Comesaña, trasladou ao Parlamento de Galicia os últimos avances acadados na comunidade galega, no referente aos coidados das persoas que sofren Esclerose lateral amiotrófica (ELA), destacando a entrega de lectores oculares para pacientes con trastornos neuromotores graves.

    Sobre este particular, salientou que, tal e como xa anunciara nunha recente reunión coa asociación AGAELA, o SERGAS xa comezou a dispensar lectores oculares, tras entrar en vigor o pasado mes de maio, a instrución para facer efectivas as prestacións a pacientes de ELA e outros trastornos neuromotores.

    Durante súa resposta, o titular de Sanidade remarcou que o traballo desenvolto en Galicia pola Administración autonómica, en colaboración con entidades como a Fundación Francisco Luzón e a Asociación AGAELA, permitiu que se aprobara hai xa dous anos, o denominado Proceso Asistencial Integrado (PAI), unha folla de ruta específica deseñada para abordar de xeito integral os coidados das persoas afectadas pola ELA.

    Na confección deste Proceso Asistencial, incluíronse un conxunto de obxectivos que na actualidade xa se cumpriron. Entre os mesmos, destaca o establecemento dunha vía clínica en cada área sanitaria para a esclerose lateral amiotrófica. Unha medida coa que se garante a primeria consulta nos servizos de Neuroloxía en menos de 15 días, e coa que se reduce en 45 xornadas o prazo recomendado polo Ministerio de Sanidade.

    Así mesmo, o PAI recolle os tempos máximos recomendados para a realización de probas diagnósticas en relación coa ELA; a adxudicación dunha tarxeta sanitaria AA -atención preferente- para as persoas con ELA ou o establecemento de consultas  hospitalarias de acto único para os pacientes.

    O responsable do departamento sanitario da Xunta tamén lembrou que Galicia foi a primeira comunidade autónoma en toda España en incorporar os lectores oculares aos servizos de Neuroloxía dos nosos hospitais co fin de garantir a autonomía persoal dos pacientes mellorando a súa comunicación

    García Comesaña subliñou que “seguiremos traballando co fin de garantirlle unha mellor atención sanitaria e unha mellora na calidade de vida aos pacientes que sofren esta enfermidade e ás súas familias”, apuntando asemade que  “a nosa comunidade está identificada como unha das tres de toda España nas que se conta cun mellor modelo de atención”, segundo á Fundación Francisco Luzón.

    Na procura de pór tódolos medios dispoñibles a disposición dos doentes de ELA, engadiu o conselleiro, “o Sergas conta con tres unidades específicas de ELA -no CHUAC, no CHUS e no Hospital Álvaro Cunqueiro-, dispoñendo ademais as restantes áreas sanitarias, de consultas específicas para ELA”.

    Así mesmo, apuntou que o sistema sanitario galego conta con equipos que prestan atención psicolóxica específica para esta doenza nas diferentes áreas sanitarias, así como un protocolo de coordinación cos servizos sociais e as asociacións de pacientes.

    García Comesaña, pechou a súa intervención salientando que, “desde a posta en marcha do PAI, estableceuse un grupo de investigación en ELA no Instituto de Investigación Sanitaria de Santiago de Compostela (IDIS)”, un dos equipos de profesionais máis numeroso de España, na procura de atopar novos avances para combater esta enfemidade.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS