12.9 C
Pontevedra
Mércores, 22 de Maio de 2024
Máis
    HomeÉ NoticiaCinco novos obradoiros chegan esta semana da man de SmartPeme

    Cinco novos obradoiros chegan esta semana da man de SmartPeme

    A Deputación de Pontevedra, a través do programa SmartPeme de asesoramento tecnolóxico para pemes e persoas autónomas, oferta esta semana do 10 de abril cinco novas accións formativas enmarcadas na súa carteira de obradoiros. As accións centraranse en ciberseguridade, protección de negocios desde a perspectiva legal, posicionamento de pago en buscadores, xestión e comercialización de vivendas e apartamentos turísticos e aparencia e imaxe persoal para a emisión de eventos en liña de xeito profesional.

    O luns 10 ás 10:00 horas terá lugar o obradoiro “Ciberseguridade, copias de seguridade” para dar a coñecer a importancia de ter os datos apoiados cunha copia de seguridade, non só pola posibilidade de ser vítima dun ataque informático senón tamén pola posibilidade de incidentes como roubos,  inundacións ou unha suba de tensión na rede eléctrica. O obradoiro será impartido por Manuel Freire, Experto Universitario en Robótica, Programación e Impresión 3D.

    O día seguinte, o martes 11 ás 11:00 horas, celebrarase o obradoiro “Queres protexer o teu negocio e destacar no mercado?”. Nela, as persoas participantes aprenderán a identificar os elementos clave dunha marca e como rexistrala correctamente, a coñecer os diferentes tipos de marcas e cal é a máis adecuada para o seu negocio, a entender como funciona a propiedade intelectual e como protexer as súas ideas e deseños e tamén a coñecer as mellores prácticas para protexer a súa marca e evitar conflitos legais. O obradoiro será impartido por José Manuel Sendín Rodriguez, licenciado en Dereito pola Universidade de Santiago de Compostela, avogado e socio do despacho SISTEMIUS.

    O mércores 12, SmartPeme organiza dúas actividades. A primeira delas será ás 12:00 horas: “Google Ads, como entendelo e crear campañas eficaces II” (dando continuidade á primeira sesión, celebrada o 22 de marzo). Para un negocio converteuse en indispensable saír como resultado de procura en Google, e para iso non é suficiente con facer só unha estratexia de posicionamento orgánico senón crear anuncios para alcanzar o público obxectivo. O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa.

    Xa pola tarde, será a quenda do obradoiro “Xestión e comercialización de vivendas e apartamentos turísticos”, enmarcado no auxe do mercado de alugueiro vacacional que pode ser unha oportunidade de negocio para persoas propietarias de vivendas e apartamentos. A xestión esixe adoptar novas estratexias de comercialización e márketing en liña para aumentar as reservas e o beneficio, polo que as persoas participantes aprenderán sobre clasificación e requisitos legais, plataformas de comercialización en liña, reservas e check-in en liña e mellora da experiencia da persoa usuaria. O obradoiro será impartido por Sonia Torres, Técnica de Empresas e Actividades Turísticas pola Universidade da Coruña con posgrao en Xestión e Dirección de Empresas Turísticas pola Universidade de Santiago de Compostela.

    Por último esta semana, o xoves 13 ás 11:00 horas celebrarase a quinta sesión do curso “Como emitir o teu evento en liña de maneira profesional”, centrado na aparencia e imaxe persoal e tocando aspectos como a presenza ante a cámara, o encadre, a comunicación non verbal, a preparación do material, o fondo, a roupa ou a luz, entre moitos outros. O obradoiro será impartido por Lara Taboada, Titulada Superior en Ensinos Artísticos de Deseño Gráfico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.