17.7 C
Pontevedra
Xoves, 23 de Maio de 2024
Máis
    HomeÉ NoticiaAreeiro aconsella vixiar a bolboreta do buxo debido ás condicións favorables para...

    Areeiro aconsella vixiar a bolboreta do buxo debido ás condicións favorables para a súa expansión

    A Estación Fitopatolóxica Areeiro, centro dependente da Deputación de Pontevedra, vén de lanzar o primeiro aviso fitosanitario deste 2021, no que alerta sobre a necesidade de vixiar a bolboreta do buxo debido ás condicións favorables para a súa expansión.

    Neste senso, desde Areeiro sinalan que aínda que de momento na maior parte das zonas revisadas só se observaron algúns gromos afectados pola Cydalima perspectalis, advirten de que os ataques nesta especie poden ser explosivos baixo condicións favorables. Por este motivo, o persoal técnico do centro aconsella unha vixilancia continua das sebes e árbores, así como eliminar os gromos afectados que se atopen (os fíos de seda e mailos excrementos son un bo signo) e, se o ataque xa é de maior consideración, aplicar un tratamento, mellor con boa presión de caldo.

    Gromo novo de buxo amosando indicios de actividade Cydalima

    Neste primeiro aviso, a Estación Fitopatolóxica tamén alerta no caso dos cítricos sobre a aparición dos primeiros ovos da psila africana (Trioza erytreae), así como dos primeiros individuos doutros insectos chupadores como os pulgóns e as moscas brancas.Por iso, recomenda nos casos nos que sexa posible a retirada e destrución destes gromos para limitar o establecemento das pragas e retrasar o máximo posible a necesidade dunha intervención fitosanitaria.

    Doutra banda, no que respecta ás viñas, Areeiro verificou esta semana a maduración da oospora de mildio, aínda que sinala que era algo esperado polas condicións climáticas que se teñen dado ao longo deste outono-inverno, moi húmidos e sen apenas frío. Desde a Estación, subliñan que o feito da maduración do ovo de inverno non significa que sexa preciso realizar de momento algún tratamento fronte a esta enfermidade, senón que simplemente implica que cando se dean as condicións climatolóxicas e de desenvolvemento da vexetación necesarias, poderá ter lugar a primeira infección.

    O persoal da Estación Fitopatolóxica tamén sinalou que, segundo información aportada por persoal técnico, as viñas están na súa maior parte entre os estados de xema inchada e follas incipientes. E aínda que as temperaturas nocturnas previstas nestas xornadas non favorecen a priori o desenvolvemento da excoriose, o persoal do centro alerta de que esta patoloxía será a primeira fronte a que haberá que intervir onde estea presente, cando a maioría das plantas estean na contorna de follas incipientes, non debendo superar o estado de follas estendidas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.