18 C
Pontevedra
Domingo, 26 de Setembro de 2021
Máis
    HomeÉ NoticiaAlcaldías de ambas beiras do Miño reúnense en Valença para traballar no...

    Alcaldías de ambas beiras do Miño reúnense en Valença para traballar no plan de mobilidade sustentable

    O Plan propón un total de 22 medidas, ao redor de sete liñas de actuación, entre elas: a mellora dos desprazamentos en modos non motorizados, o transporte público, a mobilidade reducida ou medidas medioambientais

    O deputado de Cooperación Transfronteiriza e director do AECT Rio Minho, Uxío Benítez, reuníuse onte en Valença cos alcaldes e alcaldesas dos municipios do territorio para avanzar no desenvolvemento do Plan de Mobilidade Sustentable do Río Miño Transfronteirizo (PMST) e coñecer as súas impresións sobre o mesmo.

    “Todos os axentes políticos do territorio temos moito que dicir e precisamos cohesión nas demandas para o territorio dos dous Estados”, sinalou Uxío Benítez, que remarcou o carácter multidisciplinar das problemáticas relacionadas coa mobilidade transfronteiriza. O Plan, que se atopa en fase de redacción, incorporará as achegas dos equipos técnicos dos concellos e cámaras ata o 30 de novembro, e será presentado oficialmente a principios do 2020.

    A xuntanza, presidida polo deputado de Cooperación Transfronteiriza e director do AECT Rio Minho, Uxío Benítez, contou coa presencia do presidente da Cámara de Caminha, a alcaldesa de Tomiño, o alcade de A Guarda, a alcaldesa do Rosal, os presidentes das Cámaras de Paredes de Coura, Valença, Monçao, o alcalde de As Neves, os presidentes das Cámara de Vilanova de Cerveira e Melgaço, os alcaldes de Mondariz, A Cañiza e Salvaterra, o técnico do CIM-Alto Minho e os representantes do AECT Rio Minho Antonio Torras e Lois Pérez Castrillo.

    A alcaldesa do Rosal, Ánxela Fernández Callís conversa coa alcaldesa de Tomiño, Sandra González, na reunión de Valença

    Os alcaldes remarcaron a necesidade de apostar de xeito cooperativo, a curto e longo prazo, por un proxecto de mobilidade que preste atención a particularidades do territorio relacionadas co crecemento Camiño de Santiago, o transporte de mercadorías ou os movementos de traballadores a través da fronteira.

    O Plan de Mobilidade

    O Plan de Mobilidade Sustentable do Río Miño Transfronteirizo ten por obxectivo implantar formas de desprazamento máis sostibles logrando, ao mesmo tempo, garantir a conectividade real do territorio cos principais nodos de atracción.

    O Plan propón un total de 22 medidas, en torno a sete liñas de actuación, centradas na mellora dos desprazamentos en modos non motorizados, do transporte público, da mobilidade de persoas de mobilidade reducida; do transporte a grandes áreas e centros receptores de viaxes, da seguridade viaria, medidas medioambientais e outras actividades de mobilidade.

    O Plan de Mobilidade Sustentable do Río Miño Transfronteirizo aposta por situar ás persoas no centro da planificación dun extenso territorio: a fronteira ibérica máis transitada e a que ten un maior fluxo de vehículos de media (47%) entre España e Portugal. Abrangue máis de 3.300 km2 de territorio, inclúe a 26 municipios galegos e portugueses e a unha poboación de ao redor de 376.000 persoas. Con este Plan podería iniciarse un camiño de mellora da mobilidade sustentable entre ambas beiras do Río Miño.

    Smart Minho

    O Plan de Mobilidade Sustentable do Río Miño Transfronteirizo enmárcase dentro do proxecto Smart Minho a través do Programa Operativo de Cooperación Transfronteiriza España-Portugal 2014-2020 (INTERREG V-A) e está cofinanciado ao 75 % por fondos FEDER, cun orzamento total de 942.022,47 euros.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS