8.9 C
Pontevedra
Venres, 29 de Marzo de 2024
Máis
    HomeÉ NoticiaA Xunta envía unha primeira doazón de medicamentos a Ucraína

    A Xunta envía unha primeira doazón de medicamentos a Ucraína

    O Executivo galego prepara outro envío para despois de Semana Santa

    Dada a situación de emerxencia e necesidade de medicamentos pola guerra en Ucraína, están a solicitarse doazóns de medicamentos aos países europeos para os campos de refuxiados (República Checa, Polonia, Moldavia…). A Xunta de Galicia vén de enviar unha primeira doazón de medicamentos aos campos de refuxiados da guerra de Ucraína, en Polonia, por valor de 40.000 euros, e prepara outro envío para despois de Semana Santa.

    O procedemento consiste en que o país solicitante (Ucraína, Moldavia…) envía aos estados da Unión Europea a información de cales son as súas necesidades de medicamentos ou produtos sanitarios a través de CECIS (sistema Común de Comunicación e Información de Emerxencia Europeo); esta trasládase a través da Axencia Española do Medicamento ás comunidades autónomas, as cales poden facer unha proposta de doazón, que finalmente debe ser aceptada polo país destinatario da doazón.

    Neste contexto, desde a Comunidade Autónoma de Galicia, por medio da Subdirección xeral de Farmacia do Servizo Galego de Saúde, realizouse unha proposta de doazón de medicamentos por valor de 60.000 euros (antibióticos, antifúnxicos, diuréticos,  inhibidores da bomba de protóns, etc, todos eles de administración intravenosa), que foi aceptada por Polonia.

    No prazo dunha semana, e tras xestionarse unha compra centralizada desde o servizo de farmacia do Complexo Hospitalario Universitario de Santiago de Compostela, estes medicamentos chegarán ao seu destino, un primeiro envío a semana do día 11 e un segundo, despois de Semana Santa, dado que polo seu gran volume, non se puido enviar todo xunto.

    Esta situación de necesidade de axuda é previsible que se manteña no tempo, polo que se poderán seguir planificando doazóns desde Galicia, mentres dure a situación de crise en Ucraína.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.