11.6 C
Pontevedra
Martes, 19 de Marzo de 2024
Máis
    HomeÉ NoticiaA Xunta constituirá unha entidade de xestión para o mantemento dos sistemas...

    A Xunta constituirá unha entidade de xestión para o mantemento dos sistemas xerais da Plisan coa participación activa das Neves e Salvaterra

    Na reunión mantida na que participaron a alcaldesa de Salvaterra de Miño e o alcalde das Neves, acordaron que mentres non se constitúa a entidade de xestión, o mantemento continuarán correspondendo aos promotores

    A Xunta de Galicia, a Autoridade Portuaria de Vigo e o Consorcio da Zona Franca de Vigo, promotores da plataforma loxística-industrial de Salvaterra-As Neves (Plisan), constituirán unha entidade de xestión dos sistemas xerais da Plisan coa participación activa dos concellos de Salvaterra do Miño e As Neves.

    Con tal fin, mantiveron hoxe unha xuntanza na que explicaron aos responsables de ambos concellos a forma de colaboración prevista e lles fixeron entrega da proposta de acordo para o seu estudo e aprobación por parte dos concellos. Os participantes fixaron manter unha nova reunión ao respecto o vindeiro día 23 de setembro.

    A proposta de acordo prevé que, unha vez rematadas as obras de urbanización das fases 1 e 2 da Plisan, cederanse aos concellos os viarios, zonas verdes e espazos libres executados ata o momento; mentres que os equipamentos, como a EDAR (estación depuradora de augas residuais) e ETAP (estación de tratamento de auga potable) seguirán sendo xestionadas temporalmente polos promotores da actuación.

    Dada a falta de recursos dos concellos para garantir a conservación e mantemento de ditas infraestruturas, os promotores constituirán a devandita entidade de xestión dos sistemas xerais, que se encargará do mantemento das mesmas. En todo caso, mentres non se constitúe dita entidade, o mantemento continuará sendo asumido polos promotores da actuación.

    Ampliación do ámbito

    Por outra parte, o director xeral do Instituto Galego da Vivenda e Solo, Heriberto García Porto, explicou a inclusión da Plisan na modificación do Plan sectorial de ordenación de áreas empresariais de Galicia, que se atopa en tramitación, coa que se volven a incluír máis dun millón de metros cadrados ao ámbito da plataforma loxístico industrial.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.