14.9 C
Pontevedra
Martes, 26 de Outubro de 2021
Máis
    HomeÉ NoticiaA Xunta anima á doazón de médula ósea

    A Xunta anima á doazón de médula ósea

    A Xunta ten renovado este ano os laboratorios da unidade de Bioloxía Molecular e Histocompatibilidade de ADOS

    O conselleiro de Sanidade, Julio García Comesaña, presidiu o acto de entrega de premios aos gañadores da sexta edición do Concurso Universitario de Curtametraxes relacionado coa doazón e o transplante de medula ósea, promovido desde a Coordinación Autonómica de Transplantes da Axencia de Doazón de Órganos e Sangue (ADOS). O acto de entrega, que tivo lugar esta mañá no salón de actos da Facultade de Ciencias Sociais e da Comunicación do campus de Pontevedra (Universidade de Vigo), tamén contou coa presencia da decana deste centro de ensino universitario, Emma Torres-Romay, e da directora de ADOS, Marisa López García.

    No transcurso deste acto, o conselleiro de Sanidade salientou a importancia do reforzo dos medios precisos, por parte da Xunta de Galicia, para que os doentes acaden un doante compatible.

    Neste sentido, indicou que a Xunta de Galicia conta cunha Unidade de Bioloxía Molecular dentro de ADOS, acreditada desde hai 23 anos coa certificación da Federación Europea de Inmunoxenética (EFI). Esta unidade permite facer as análises precisas para identificar os doantes compatibles e posibilitan os transplantes.

    O responsable da sanidade pública galega salientou que este labor de tipaxe de novos doantes é prioritario e se están a facer importantes investimentos e renovando os laboratorios de ADOS, un dos cales rematouse este mesmo verán e a súa nova tecnoloxía posibilitará o incremento da capacidade de tipaxe de posibles doantes, incorporando, así mesmo, tecnoloxía NGS de secuenciación de nova xeración.

    Sensibilización e divulgación

    O conselleiro remarcou a importancia do traballo a prol dunha conciencia solidaria favorable aos distintos xeitos de doazón e ao transplante nos diferentes niveis educativos, sendo este labor especialmente importante para a doazón de medula ósea no eido universitario.

    Julio García Comesaña lembrou o esforzo que se está a facer desde a Coordinación Autonómica de Transplantes de ADOS para fomentar a información e sensibilización do colectivo universitario a prol da doazón de medula ósea, eido no que se circunscribe esta sexta edición do Concurso de Curtametraxes.

    Positiva evolución

    O titular da carteira sanitaria quixo salientar a recente conmemoración do Día Mundial do Doante de Medula Ósea, lembrando que  ADOS é centro de referencia en Galicia para a tipaxe destes doantes no REDMO (Rexistro Español de Doantes de Médula Ósea) desde hai máis de dúas décadas e, na actualidade, 13.054 galegos e galegos figuran neste rexistro como doadores e doadoras dispoñibles.

    Neste sentido, o conselleiro de Sanidade puxo en valor a positiva evolución no número de doantes inscritos por Galicia no REDMO ao longo do presente ano e que xa está a piques de superar a cifra dos 799 doantes inscritos ao longo do pasado ano.

    Premiados

    Nesta sexta edición do Concurso Universitario de Curtametraxes relacionado coa doazón e o transplante de medula ósea, acadou o primeiro premio o traballo “Usa o teu poder”, realizado polo alumno da Facultade de Ciencias Sociais e da Comunicación da Universidade de Vigo, David Hortas García.

    Polo que se refire ao segundo premio, recaeu na curtametraxe “O camiño dunha doazón de medula ósea”, realizado pola estudante da Facultade de Ciencias da Educación da Universidade de Santiago de Compostela, Zaida López Estévez, mentres que o terceiro premio foi para o traballo “Doar e salvar todo é empezar”, presentado pola alumna da Facultade de Ciencias da Comunicación da Universidade de A Coruña, Alexia Mariño Beiro.

    COLABORACIÓNS

    Desplazados en la sanidad

    La sanidad pública se mantiene como uno de esos pocos motivos de orgullo que le quedan al contribuyente. Nuestros impuestos mantienen un complejo entramado de centros sanitarios y profesionales que tejen una invisible red de seguridad a nuestro alrededor. Con independencia del motivo de consulta, el deseo de cualquier usuario es que la asistencia sea fluida, ágil y precisa. Necesitamos percibir que somos escuchados con atención y tratados con respeto, diligencia y empatía.

    Samuel Merino (Pompa e Boato), «Guantanamera (Poema nun só acto)»

    Primeiro poemario en galego de Samuel Merino, logo de dous textos en castelán («Enésima patada con amor» e «Trementina») que son dúas auténticas esgazaduras polas que esborrexe, pinga a pinga, a alma do autor. Naqueles primeiros versos, asinados baixo o pseudónimo de «Pompa e Boato», o poeta semella reconstruirse logo dun particular descenso aos seus propios infernos.

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Colaboradores

    Alberto Aliaga Sola
    13 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    47 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS