15.3 C
Pontevedra
Venres, 14 de Xuño de 2024
Máis
    HomeÉ NoticiaA estación fitopatolóxica do Areeiro recomenda vixiar a bolboreta do buxo

    A estación fitopatolóxica do Areeiro recomenda vixiar a bolboreta do buxo

    O centro dependente da Deputación sinala que a climatoloxía case primaveral destes días adiantou a saída da hibernación das eirugas da “Cydalima perspectalis” polo que suxire revisar as plantas

    A Estación Fitopatolóxica Areeiro, centro dependente da Deputación de Pontevedra, acaba de lanzar un novo aviso fitosanitario no que recomenda vixiar a ‘Cydalima perspectalis’, coñecida como a bolboreta do buxo.

    Persoal técnico de Areeiro sinala que a climatoloxía case primaveral destas últimas xornadas adiantou, fronte ao pasado ano, a saída da hibernación das eirugas desta especie, que en anos precedentes se producía tamén arredor destas datas ou mesmo antes.

    Deste xeito, na xornada deste venres observáronse xa as primeiras nas sebes de Areeiro, mentres se realizaba mostraxe para ver se xa estaban en actividade. En todo caso, desde a EFA sinálase que noutras zonas máis soleadas pode haber algunha sintomatoloxía, polo que se recomenda comezar a vixilancia das plantas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.