8.9 C
Pontevedra
Venres, 29 de Marzo de 2024
Máis
    HomeÉ NoticiaA Escola de Cantería prepara o novo curso con todas as instalacións...

    A Escola de Cantería prepara o novo curso con todas as instalacións regularizadas e espertando interese no período de preinscrición

    O prazo de matriculación ábrese o próximo luns día 13 e entre os/as que xa solicitaron información hai posibles alumnos e alumnas de Irlanda, Chequia, Barcelona e Asturias

    A Escola de Cantería da Deputación de Pontevedra ultima a preparación da volta a actividade académica nas instalacións da Caeira (Poio). O prazo de matrícula, que ábrese oficialmente desde este vindeiro luns ata o 23 deste mes de setembro, é o último paso de cara ao comezo dun curso que, segundo os datos dispoñibles, apunta a un crecemento do alumnado atraendo estudantes de distintos puntos de España e mesmo do estranxeiro. De feito, durante o período de preinscrición, interesáronse polos estudos do centro persoas procedentes de Irlanda, Chequia, Barcelona, Asturias, Pontedeume e varios puntos da provincia de Pontevedra. Unha vez rematado o período de inscrición coñecerase a matrícula definitiva.

    A deputada delegada da Escola de Cantería, Noemí Outeda, recorda que trátase dun ensino altamente especializado e que atrae a un perfil moi concreto de persoas interesadas en formarse no traballo manual da pedra tanto na vertente artística como na relacionada coa restauración. Un alumnado, engade, que chega atraído polo prestixio da Escola de Cantería, que é un centro moi singular tanto en España como en Europa.

    Por outra banda, a Escola estrea este ano unhas instalacións profundamente renovadas despois do investimento de 440.000 euros realizado pola Deputación para o cumprimento das normativas sobre riscos laborais, accesibilidade e ruídos. Unha vez que estas obras remataron ao longo do pasado curso, o edificio quedou completamente regularizado coa tramitación da licenza de actividade e primeira ocupación diante do Concello de Poio. “Solucionamos unha situación herdada e absolutamente incomprensible tratándose da sede dunha instalación pública, que despois de 40 anos de actividade, en 1982 pasou a depender da Deputación, seguía sin licenza municipal e con total abandono por parte dos gobernos do PP. Agora por fin podemos dicir que está completamente regularizada”.

    O curso chega tamén este ano coa posta en marcha dos novos certificados de profesionalidade impulsados pola Deputación e aprobados pola Consellería de Emprego. Trátase do certificado de nivel 1 (Operacións auxiliares en plantas de elaboración de pedra natural) e nivel 2 (Elaboración de pedra natural). O primeiro ten unha duración de 340 horas de formación teórico-práctica e o segundo doutras 640 horas. Trátase de dous certificados de profesionalidade que enriquecen a oferta docente da Escola. Noemí Outeda destacou que son cursos de capacitación laboral “totalmente voluntarios, porque pode ser que haxa alumnos/as que non teñan interese en facelos”, así que definiunos como unha oferta complementaria dunha formación que, dende sempre, está centrada no ámbito artístico e patrimonial.

    Finalmente, Noemí Outeda lamentou as críticas do grupo provincial do PP fixo á Deputación á raíz da posible creación dun ciclo medio de FP de Técnico/a en Pedra Natural no Porriño. “A Consellería de Educación da Xunta ten as competencias exclusivísimas sobre o ensino regrado e ogallá as exercera na súa plenitude, responsabilizándose tamén da Escola de Cantería, como é a súa obriga”. Manifestou a súa sorpresa “de que o PP teña perdido completamente o norte criticando unha posible FP (que nin sequera está confirmada oficialmente).Ounon se decatan de nada e teñen un descoñecemento brutal ou menten descaradamente. Ese posible ciclo medio no Porriño sería unha FP para profesionais da construción que pouco ou nada ten que ver co ensino que se imparte na Escola de Cantería. Non é o mesmo un profesional que corta e monta bloques de pedra en fachadas e tabiques, aclarou, que alguén que talla esculturas e restaura catedrais e bens patrimoniais; uns son operarios da construción e outros, artistas”.

    En todo caso, Outeda deixou claro que “a Escola de Cantería da Deputación non corre ningún risco, amais de que os seus diplomas contan cun prestixio que vai máis alá de calquera titulación oficial”. A deputada engadiu que, incluso, se o ciclo de O Porriño sea adiante podería abrir portas para a convalidación de alumnos/as que saian da Escola porque xa disporán dos certificados de profesionalidade para poder facelo”

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.