8.5 C
Pontevedra
Venres, 29 de Marzo de 2024
Máis
    HomeÉ NoticiaA Deputación redobra a súa aposta pola cultura e incrementa o apoio...

    A Deputación redobra a súa aposta pola cultura e incrementa o apoio aos ‘Rías Baixas Film Fest’ e aos festivais de música e de artes escénicas

    Carmela Silva: “Non imos recortar un só euro do noso apoio á cultura, porque para esta Deputación é un sector estratéxico e unha prioridade de goberno”

    O Goberno da Deputación de Pontevedra vén de aprobar as bases das subvencións aos festivais audiovisuais da provincia, integrados na marca provincial “Rías Baixas Film Fest”, e as dos festivais musicais e de artes escénicas, cun investimento total de 300.000 euros o que mostra, dixo a presidenta Carmela Silva, “a nosa aposta por un sector estratéxico e prioritario para nós como é a cultura. Non imos recortar un só euro”, afirmou. Revalidar o noso apoio aos festivais é apostar pola riqueza cultural que se desenvolve na provincia”.

    Este ano, os Rías Baixas Film Fest verán este ano incrementando o investimento ata os 150.000 euros, 20.000 máis que en 2020. As bases aprobadas hoxe foron “acordadas co sector” nas que a Deputación de Pontevedra “ten en conta o parecer da xente que pon en marcha os certames”, apuntou Carmela Silva. Para optar ás axudas os festivais deberán ter unha duración mínima de catro xornadas e realizar un mínimo de vinte proxeccións. Do mesmo xeito, incluír na súa programación a proxección de, como mínimo, cinco sesións ou un 10 % de títulos de produción cinematográfica ou de dirección galegas. Ademais, para acceder ás axudas será necesario que leven un mínimo de catro edicións consecutivas (sen ter en conta 2020 no que o sector estivo moi afectado pola pandemia).

    A presidenta da Deputación lembrou a creación da marca Rías Baixas Film Fest, “como unha grande referencia na provincia, posto que ten moitas oportunidades para que se desenvolva un gran proxecto que xere actividade económica e emprego ligado ao audiovisual”. Baixo esta marca atópanse os festivais de maior prestixio como o FIC Bueu, Novos Cinemas de Pontevedra, Festival de Cans do Porriño, Play-Doc de Tui, Galcian Freaky Film de Vigo, Primavera de Cine de Vigo, Curtas Festival do imaxinario de Vilagarcía, Festival de Cine Inclusivo de Vigo e o Curtas Armadiña.

    Carmela Silva tamén lembrou que “aínda que os festivais son moi potentes, non son o único proxecto de apoio ao sector”. A Deputación tamén ten o programa de mecenado “Plató de Cinema”, co que xa se financiaron películas como “Nación”, de Margarida Ledo, “9 fugas”, de Fon Cortizo, “Negro púrpura”, de Adriana Villanueva e Sabela Iglesias, e “Devolvendo o Golpe”, de Carlos Prado. Tamén recordou que con anterioridade a este proxecto se prestou apoio económico a producións como “A estación violenta”, “Trote”, “Longa noite”, “María Solinha” ou “Ons”. Ademais, coa mirada posta nas mulleres do audiovisual naceron os Premios #Mulleresnofoco para incentivar o talento, traxectoria e perfís con perspectiva de xénero.

    Pola súa banda, os festivais musicais e de artes escénicas contarán este ano cunha partida de 150.000 euros, reafirmando así o compromiso adquirido con eles por parte da Deputación de Pontevedra. Grazas a esta achega provincial o ano pasado puideron levarse a cabo “actividades tan significativa” como a Festa Folc de Vilariño en Cangas, a Mostra Internacional de Teatro Cómico e Festivo de Cangas, o Festival Rock in Río Tea en Ponteareas , o IKFEM na Eurocidade Tui-Valença, o Festival Alternativo Millo Verde de Redondela, o Festival Internacional de Títeres de Redondel, o Vilablues Festival Internacional de Blues de Tomiño, o Revoltallo de (Cultura e) Música Emerxente en Vigo, o Festival Canteira Fest 2020 en Vilaboa e o Canjazz– XXIII Festival Internacional de Jazz de Cangas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.