12.1 C
Pontevedra
Luns, 30 de Xaneiro de 2023
Máis
    HomeÉ NoticiaA Deputación investiu máis de 800.000 euros na mellora da contorna do...

    A Deputación investiu máis de 800.000 euros na mellora da contorna do santuario da Franqueira na Cañiza

    O deputado Gregorio Agís lamenta que sexa Miguel Domínguez quen presente unha moción “cando sendo alcalde marcou as prioridades e nunca propúxonos os accesos á Franqueira”

    A Deputación de Pontevedra seguirá a acometer obras de conservación e mellora nos case 1.700 Km da Rede Provincial de Estradas en función de criterios de “urxencia, necesidade e recursos”. Así o anunciou hoxe o deputado provincial de Infraestruturas e Vías Provinciais, Gregorio Agís, durante o debate dunha moción presentada polo PP para esixir o arranxo inmediato dos accesos ao santuario da Franqueira, moción que foi cualificada como “meramente oportunista xa que a presentan cando teñen coñecemento de que a finais de outubro mantivemos unha xuntanza técnica co actual alcalde, Luís Piña, e o persoal técnico provincial para analizar tódalas necesidades existentes no concello, entre elas os accesos á Franqueira. “Comentamos nesa xuntanza que na actualidade e grazas aos investimentos que se fixeron nos últimos 4 anos, eses accesos están mellor que nunca, limpos de broza e coas cunetas abertas”.

    “O que non podemos admitir é que o PP corra a presentar mocións oportunistas cada vez que ten coñecemento das nosas xuntanzas técnicas con algunha alcaldesa ou alcalde”

    Agís aclaroulle ao PP que o Goberno provincial non vai traballar en base a este tipo de iniciativas de curto percorrido, concibidas para tratar de anotarse tantos nas obras que o PP non fixo en 40 anos “e que agora pretende vender gracias á súa presión dende a oposición”. O deputado responsable das Vías Provinciais dirixiuse directamente ao ex-alcalde da Cañiza e deputado provincial, Miguel Domínguez, para afearlle que fora el precisamente quen teña presentado a proposta “xa que sendo aínda alcalde, presentounos as prioridades para actuar nas vías provinciais da Cañiza e, en ningún caso, propúxonos os accesos á Franqueira, senón a mellora da EP-5003 A Cañiza-Arbo, cun importe de máis de 870.000 euros”.

    Gregorio Agís lembrou que a Deputación leva investidos preto máis de 800.000 euros na contorna do santuario da Franqueira nos últimos anos e continuará actuando “en sintonía co Concello” para ir solucionando as melloras pendentes. Así enumerou o investimento de 322.000 euros na contorna do propio santuario cunhas obras finalizadas no ano 2017. A continuación referiuse ao arranxo da rotonda que enlaza a EP-510, un dos principais accesos á Franqueira, coa EP-5002 na zona do río Deva. Unha obra cun importe superior a 550.000 euros e realizada no ano 2018. Finalmente, aludiu á reparación do firme da EP-5102 (Lamosa-Franqueira-Achas), con outros 45.000 euros. Ademais, esta mesma estrada está incluída no Acordo Marco de mantemento de firmes da Deputación, polo que será obxecto de novas actuacións. Por outra banda, Gregorio Agís concluíu que non hai que esquecer que as brigadas provinciais acoden a limpar a zona para garantir a seguridade e ornato nos días de celebracións relixiosas.

    O deputado responsable do mantemento das Estradas Provinciais lamentou que haxa que lembrarlle ao PP “o estado calamitoso” no que se atopaba toda esta zona despois de case 40 anos de gobernos locais e provinciais do PP “porque supoño que as calamidades que tanto alarman agora non virán só dos últimos 4 anos…”.Tras pedir ao ex-alcalde da Cañiza que se “aclarase”, esixiulle un pouco máis de coherencia no seu necesario labor de oposición a un novo Goberno local que está traballando en coordinación coa Deputación para solucionar as eivas herdadas. “Nós acordamos con vostede, mentres era alcalde, as actuacións con lealdade e respecto institucional, e agora facemos o mesmo co actual alcalde”. “E, fáganme un favor, cando lles poñan diante mocións para asinar, léanas antes e analícenas para non facer o ridículo”.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS