18.2 C
Pontevedra
Luns, 17 de Xuño de 2024
Máis
    HomeÉ NoticiaA Deputación da os primeiros pasos para que a Escola de Cantería...

    A Deputación da os primeiros pasos para que a Escola de Cantería poida contar con titulacións oficiais

    A Xunta de Goberno da Deputación de Pontevedra ven de aprobar o proxecto básico e de execución e realización das obras de adaptación da Escola de Cantería á normativa vixente. Os traballos previstos, que terán unha duración de seis meses, son fundamentais cara a acadar o obxectivo da institución provincial de que a Escola poida impartir titulacións oficiais.

    Carmela Silva explicou que “cando licitamos o proxecto xa informei que todos os espazos e instalacións da escola teñen que cumprir coa normativa, que é imprescindible para logo facer diferentes actuacións. E dende logo, para poder poñer en marcha todo o que significa que poida ter titulacións oficiais a Escola, tanto a nivel galego como estatal, é fundamental ter estas obras realizadas. E tamén para poder solicitar licenza, que é un paso vinculante para poder facelo”. Nese senso, a presidenta da Deputación lembrou que o actual Goberno da Deputación herdou a Escola de Cantería sen a licenza de actividade “e iso impide tomar moitas decisións que son fundamentais. Pouco interese tiña o anterior Goberno que en corenta anos nin sequera redactaron un proxecto para poder solicitala, o que amosa unha forte irresponsabilidade”.

    Máis polo miúdo, os traballos que realizará a adxudicataria, Civis Global S.L.U. e que están presupostados en máis de 400.000 euros, comprenden distintas actuacións centradas no illamento acústico, na mellora das condicións de accesibilidade e seguridade do centro, así como na instalación eléctrica.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.