7.9 C
Pontevedra
Venres, 29 de Marzo de 2024
Máis
    HomeÉ NoticiaA Deputación colabora, un ano máis, coa Fundación Érguete cunha achega de...

    A Deputación colabora, un ano máis, coa Fundación Érguete cunha achega de 10.000 euros para o proxecto ‘Érguete Emprega’

    A deputada Olga García as instalacións do Baixo Miño onde se desenvolve o programa de integración socio laboral

    A deputada de Cohesión Social, Olga García, visitou o mércores as instalacións da Asociación Érguete Baixo Miño nas que se desenvolve o Proxecto ‘Érguete Emprega’,integrado no seu Programa de Inserción Socio Laboral 2021 para o que a Deputación de Pontevedra destina este ano 10.000 €. O proxecto, que conta cun período de actuación anual, está a beneficiar a 10 persoas drogodependentes e exdrogodependentes de Tomiño, A Guarda, O Rosal e Oia.

    ‘Érguete Emprega’ está pensado para acadar a integración social e laboral das persoas afectadas a través de estratexias que facilitan o desenvolvemento das súas habilidades persoais, sociais, culturais e formativas. Así, os seus obxectivos principais son a adquisición dos coñecementos e habilidades necesarias para atopar un emprego, a planificación dunha vida laboral e a aceleración deste proceso. A metodoloxía do programa está fundamentada nunha intervención total que propicia a implicación dos e das participantes no proceso de integración socio laboral, prestando unha maior atención aos perfiles máis desfavorecidos e tendo en conta a perspectiva de xénero.

    O proxecto partiu dunha avaliación inicial das necesidades de formación e capacitación dos e das participantes mediante entrevistas individuais. Grazas a elas, deseñáronse Programas Individualizados de Intervención (PPO) que se consensuaron con cada un deles e se enfocaron á mellora da súa autonomía e calidade de vida co fin de dar resposta ás preguntas de a onde queren chegar, cando e como. Na actualidade e ata o mes de outubro, completarán o seu traballo no obradoiro “Non te pares – Érguete!!”, no que formarán parte de talleres gratuítos de formación práctica sobre ferramentas e actitudes necesarias para aumentar a confianza en si mesmos e diminuír o temor ao rexeitamento social e laboral. Finalmente, durante novembro e decembro terá lugar a supervisión e autoavaliación respecto á empregabilidade e integración dos e das persoas participantes, así como a súa futura orientación e achega de recursos de formación e emprego específicos.

    A Fundación Érguete Baixo Miño constituíuse na vila de A Guarda en xuño de 1990 coa finalidade de axudar ás familias que tiñan problemas relacionados co consumo de sustancias. Na actualidade trátase dunha entidade sen ánimo de lucro que traballa na comarca nos concellos de A Guarda, O Rosal, Tomiño e Oia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.