10 C
Pontevedra
Martes, 13 de Abril de 2021
More
    HomeÉ NoticiaA Cátedra Feminismos 4.0 estrea a súa propia web enmarcada no compromiso...

    A Cátedra Feminismos 4.0 estrea a súa propia web enmarcada no compromiso coa igualdade a Deputación e da Universidade de Vigo

    Carmela Silva: “Esta nova ferramenta é un espazo vertebrador que loitará polo valor máis universal que existe que é a igualdade”

    “Se hai algo que é realmente universal é a igualdade, non hai outro valor máis fundamental”. Con estas palabras, a presidenta da Deputación de Pontevedra, Carmela Silva, xunto ao reitor da Universidade de Vigo, Manuel Reigosa, a deputada de Igualdade, Victoria Alonso e a directora da área de Igualdade da Uvigo, Águeda González, presentou hoxe a nova web da Cátedra Feminismos 4.0, www.catedrafeminismos.gal “un espazo moi importante que permitirá vertebrar todos os proxectos desenvoltos ao redor desta iniciativa”.

    Carmela Silva e o reitor Manuel Reigosa coincidiron en que “a igualdade é máis que unha bandeira, é unha obriga e un compromiso”. A presidenta provincial lembrou que a cátedra de feminismos, posta en marcha coa Uvigo fai un ano, “é unha iniciativa pioneira que nos sitúa aínda máis como referencia a nivel nacional no ámbito de investigación e innovación”. En canto á web, destacou que “é unha carta de presentación pero ao mesmo tempo un lugar de onde atopar todo tipo de información tanto vinculada á Cátedra como ao coñecemento, á investigación e innovación e á análise feminista”. Amais, subliñou que “vai haber información moi relevante de estudos de xénero porque o feminismo é un proxecto de transformación baseado en análises rigorosas”. Na presentación, Silva tamén puxo en valor a “o traballo excepcional” da Universidade de Vigo e a súa capacidade para transformar, “é un referente en todos os seus posicionamentos en relación á presencia das mulleres e na loita porque ocupemos a metade dos espazos”. Ao respecto, a presidenta amosou a súa preocupación porque o número de matriculadas nas carreiras STEM sexa cada vez menor, “a ciencia e a tecnoloxía son claves no mundo actual e van ser prioritarias no corto, medio e longo prazo”.

    Pola súa banda, o reitor da Universidade de Vigo sinalou que a web “é unha ferramenta moi axeitada” e incidiu na “necesidade de estar presentes na rede e combater o machismo rancio que nos leva a épocas moi pasadas”. Amais, Manuel Reigosa agradeceu á Deputación pola súa axuda e fixo fincapé no compromiso da Universidade pola igualdade, “é a nosa obriga”. Doutra banda, Águeda González tamén agradeceu “o apoio fundamental da institución provincial nesta aventura para impulsar unha nova cultura dixital feminista” e animou a todas e todos a consultar a web e participar “neste novo espazo común”.

    A web da Cátedra é un espazo virtual para comunicar toda a actividade do proxecto, difundir publicacións de interese, informar sobre convocatorias e enlazar a organizacións que traballen nesta área. Máis polo miúdo, as usuarias e usuarios poderán encontrar nela toda a información e noticias sobre a Cátedra (seminarios, avisos sobre bolsas de investigación, axenda de actividades, etc) e tamén vídeos propios, como é o caso do Workshop 2019 da Cátedra. Amais, tamén se enlaza con diferentes entidades investigadoras neste ámbito como é MediaLab en Vigo, Donestech en Barcelona, GenderlT.org (en Sudáfrica, América Latina e India), Fundación Activismo Feminista Digital (Argentina), distintas universidades norteamericanas, e outras institucións. As persoas interesadas tamén poderán subscribirse ao boletín de novidades, que se enviará cada quince días.

    A presidenta provincial lembrou que no pasado mes de xullo a Deputación renovou o convenio coa Universidade de Vigo e xa están en marcha novas actividades coma os premios GirlGeekCovid e novas axudas á investigación con perspectiva de xénero. Amais, recordou que se creará un comité de sabias e se organizará un workshop virtual que dará continuidade ao que se celebrou o ano pasado “Sociedade dixital e xénero: hackeando o patriarcado”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS