7.5 C
Pontevedra
Sábado, 4 de Febreiro de 2023
Máis
    HomeComarcasRedondelaRedondela suspende os actos culturais programados e adopta medidas complementarias para frear...

    Redondela suspende os actos culturais programados e adopta medidas complementarias para frear o avance da COVID-19

    A alcaldesa de Redondela, Digna Rivas anunciou hoxe unha serie de medidas que o Concello adoptará para “frear, na medida do posible, o avance da COVID-19 e garantir a saúde e seguridade das nosas veciñas e veciños”.

    Logo da publicación dunha edición extraordinaria do Diario Oficial de Galicia na que se especifican as limitacións na celebración de diversas actividades de cara a poñer freo a escalada de contaxios que se están a dar na comunidade autónoma, o Concello redondelán decidiu suspender unha serie de actividades previstas dado o risco que a súa celebración supón para a saúde colectiva.

    Entre as medidas, cabe salientar a suspensión do mercado quincenal que tería que celebrarse o 6 de novembro. Suspéndense tamén os cursos de taichí, celebración de roteiros e visitas guiadas ao cemiterio de Eidos.

    Doutra banda, o Goberno local optou pola suspensión de todos os actos culturais programados, ao non poderse celebrar coas actuais restricións ditadas pola Consellería de Sanidade. Do mesmo xeito, os parques públicos e instalacións similares permanecerán pechados de 00 horas a 06 horas.

    Do mesmo xeito, extremaranse as medidas de seguridade no mercado de abastos, de cara a que a veciñanza poida facer, de xeito ordenado e sen risco, as súas compras. Asemade o Concello enviou correos electrónicos aos centros culturais e asociacións do municipio nos que se lles lembra que o aforo de cinco persoas para a realización de actividades.

    Dende o Concello, a alcaldesa Digna Rivas volveu a lembrar a necesidade urxente “de cumprir coas medidas preventivas publicadas dende o Concello, como medio máis eficaz para evitar a propagación da COVID-19”. Non podemos permitirnos o luxo, asegurou a alcaldesa de Redondela, “de ignorar recomendacións que poden ser o único medio para evitar volver a un confinamento que tería unhas consecuencias incalculables”.

    Rivas fixo tamén un chamamento para que veciñas e veciños “limiten o contacto con persoas non convivintes”, como medio para protexer “non só a súa propia saúde, senón a das súas familias”.

    A rexedora local lembrou que, pese ao nivel de contaxios que se están a dar na comunidade autónoma, “Redondela está en nivel 1, polo que a situación é menos grave que noutros concellos”. Aínda así, insistiu a alcaldesa de Redondela, “o segimento estrito das normas preventivas recollidas na campaña ‘Faino por Todxs’ segue a ser unha das mellores ferramentas que temos na nosa man para combater a expansión da COVID”.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS