O Concello de Redondela sumouse, ás 12 horas de hoxe, aos cinco minutos de silencio en solidariedade co pobo de Ucraína, respondendo así ao chamamento realizado pola Federación Española de Municipios e Provincias (FEMP) a concellos, deputacións, sindicatos e outras organizacións de todo o país.
A proposta da Federación tiña como obxectivo amosar o rexeitamento á invasión deste país por parte de Rusia e “ao sufrimento, dor e destrución que está ocasionando así como ao éxodo forzado de millóns de persoas”.
En palabras do presidente da FEMP, Abel Caballero, “a FEMP e as entidades locais españolas estamos co pobo de Ucraína”.
Redondela súmase aos cinco minutos de silencio en solidariedade co pobo de Ucraína
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.