16 C
Pontevedra
Domingo, 14 de Xullo de 2024
Máis
    HomeComarcasRedondelaRedondela reduce a taxa de conexión a saneamento nun 70 % para...

    Redondela reduce a taxa de conexión a saneamento nun 70 % para facilitar o alta das vivendas unifamiliares

    O goberno de Redondela, co obxectivo de acadar unha cobertura integral na prestación dos servizos de abastecemento e saneamento e rebaixar a taxa vixente, leva ao pleno (do mércores 10 de maio ás 19:00 h) unha ordenanza de modificación da vixente taxa de conexión das vivendas unifamiliares ás redes municipais de abastecemento e saneamento de xeito que en ambos os dous supostos sexa de 360 euros.

    A alcaldesa de Redondela, Digna Rivas, explica que “Existe un número moi elevado de vivendas unifamiliares que potencialmente poden conectarse ás redes municipais e seguen sen conectarse polo elevado coste que implica. Este é o momento de modificar as taxas e axustalas as necesidades e realidades actuais dos veciños e veciñas. Polo tanto, o obxectivo e reducir significativamente a taxa actual de 1200 euros a 360 euros”.

    Na actualidade a “taxa de alcantarillado” alcanza, no suposto de vivendas unifamiliares, os 1.200,00 euros, mentres que a rede de abastecemento ten unha tarifa de 900 euros, polo que cando se implanta unha nova rede pública os usuarios e usuarias teñen que aboar unas taxas de 2.100,00 euros. Segundo a rexedora local, “estas cantidades, desde un punto de vista social, semellan moi difíciles de afrontar para unha porcentaxe importante de familias polo que procede analizar se é adecuada á normativa, estrutura municipal e conxuntura económica actuais para modificala e adaptala a situación actual”.

    Esta contía está a funcionar como un obstáculo para o acceso dos cidadáns ao servizo e provoca un impacto ambiental e un deterioro do estándar de salubridade evidentes e levanta unha barreira económica que tamén impacta negativamente sobre os índices de desigualdade. Proponse polo tanto igualar a taxa entre vivendas unifamiliares e vivendas colectivas modificando as ordenanzas respectivas de xeito que en ambos os dous supostos sexa de 360 euros en concepto de saneamento e 360 euros en concepto de abastecemento.

    “A diminución de ingresos pola rebaixa desta taxa verase compensada polo aumento das altas e do número de taxas percibidas así como un maior número de recibos trimestrais a cobrar”, conclúe Rivas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.