15.3 C
Pontevedra
Venres, 14 de Xuño de 2024
Máis
    HomeComarcasRedondelaRedondela pide á veciñanza que non consuma auga da Fonte da Lata,...

    Redondela pide á veciñanza que non consuma auga da Fonte da Lata, en Vilar de Infesta, ao poder estar afectada polo uso de herbicidas no aeroporto

    A Concellería de Medio Ambiente do Concello de Redondela, atendendo a “un principio de precaución” vén de sinalizar como “auga non apta para o consumo humano” a Fonte da Lata na parroquia de Vilar de Infesta. Esta medida tomouse despois de que no día de que o xoves un operario municipal dera aviso de que no peche metálico e taludes do aeroporto “a herba tiña síntomas de ser queimada con herbicidas nas proximidades da Fonte da Lata”.

    Click para ampliar

    Unha vez feita a sinalización preventiva, deuse orde de apertura de expediente de investigación ambiental para esclarecer os feitos. A Concellería de Medio Ambiente ten programada unha recollida de mostras o vindeiro martes día 15 de Xuño na Fonte da Lata para realizar unha análise das augas.

    Ata que se reciban os resultados do laboratorio e se teñan todas as garantías, a Fonte da Lata continuará coa sinalización de auga non apta para o consumo humano. Por parte do departamento que xestiona Roberto Villar, sinalouse que “esta situación investigarase con rigor e contundencia pois pode estar en risco a saúde pública”.

    O concelleiro de Medio Ambiente deu aviso desta circunstancia á Asociación de Veciños de Vilar na tarde de onte. Roberto Villar “lamenta esta situación e lembra aos responsables do Aeroporto, que Redondela foi declarado no ano 2012 Concello Libre de Herbicidas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.