8.7 C
Pontevedra
Xoves, 28 de Marzo de 2024
Máis
    HomeComarcasRedondelaRedondela mantén a súa aposta pola inclusión social das persoas xordas e...

    Redondela mantén a súa aposta pola inclusión social das persoas xordas e xordocegas

    Coincidindo coa Semana Internacional das Persoas Xordas, a alcaldesa de Redondela, Digna Rivas, vén de anunciar a posta en marcha do Servizo Municipal de Accesibilidade en Lingua de Signos que sitúa a Redondela na vangarda dos concellos galegos en canto a igualdade de dereitos das persoas xordas e xordocegas no seu acceso á información e a comunicación.

    Este servizo, xestionado pola empresa redondelá EN LINGUA DE SIGNOS ten por obxectivo achegar a administración local ás persoas xordas e avanzar cara unha sociedade máis inclusiva. Entre os servizos que se porán en marcha, destaca o servizo de interpretación de lingua de signos para calquera xestión ante a entidade local.

    A partir de agora, as persoas xordas ou xordocegas de Redondela que teñan que facer trámites ou xestións en calquera departamento municipal, poderán solicitar (previa cita) a presenza dunha intérprete de lingua de signos que garanta o seu dereito de acceso á información e á comunicación.

    Ademais do servizo de interpretación, o Concello quere achegar a Lingua de Signos á cidadanía con distintas accións formativas e de sensibilización que se irán programando ao longo do ano. O acceso á cultura é outro dos puntos fortes deste novo servizo, que pretende promover actividades culturais máis accesibles. Redondela tamén contará con interpretación de lingua de signos en todos os actos de carácter institucional que sexan de especial relevancia para a cidadanía.

    O goberno municipal aposta así por ampliar dereitos ás persoas xordas, xordocegas e con discapacidade auditiva e tamén procura avanzar na súa inclusión social con accións e actividades dirixidas a toda a veciñanza.

    Digna Rivas fixo fincapé na importancia da posta en marcha deste servizo xa que, asegurou, “a inclusión social de todas e todos é o único xeito de avanzar cara un futuro máis solidario, igualitario e xusto”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.