A Concellería de Igualdade do Concello de Redondela lanza un programa de servizo de coidado de menores no municipio. ‘Quédome con Simona’ é unha iniciativa pensada para crianzas de 3 a 16 anos. Desenvolverase no Multiúsos da Xunqueira do 2 de novembro ao 5 de xaneiro en horario de 16 a 20 horas, cun máximo de 15 rapaces por turno.
“Somos conscientes da dificultade económica que afrontan moitas familas. Por isto, creemos necesario unha axuda directa que facilite o acceso a aquelas persoas de Redondela que máis o precisen. Un dos obxectivos deste servizo é priorizar as mulleres en situación de desemprego para a realización de acción formativas, así como as familias monoparentais ou as víctimas de violencia de xénero”, explica Digna Rivas.
A intención é favorecer a vida laboral, familiar e persoal , “sendo positivo tamén para o comercio local nas datas de nadal facilitando os horarios de compra nos establecementos”, engade Rivas.
Un profesional especializado en ocio e tempo libre ecargarase de atender aos nenos, co engadido de entretelos a través de xogos e actividades lúdicas e educativas.
Hay que destacar que este servizo, aínda que se entende de 16 a 20 horas, as persoas interesadas terán liberdade de entrada e saída e un límite de tempo establecido segundo ás necesidades. “O etendemos como unha axuda dinámica e puntal que pretende chegar á maior xente posible. Recalcamos que NON debe estar pensado para o seu uso continuado.”, explica Iria Vilaboa.
PRIORIDADE DE PARTICIPACIÓN: Calquera persoa pode ter acceso se hai plazas dispoñibles, pero a prioridade a teñen as víctimas de violencia de xénero, familias monoparentais, mulleres en situación de desempleo para a realización de acción formativas ou búsqueda de emprego, mulleres maiores de 45 anos ou unidades familiares nas que existan cargas relacionadas co coidado.
“Esta é unha das moitas iniciativas de benestar emocional e familiar, enfocado nos ideais de igualdade que este goberno ten como bandeira” , conclúe Rivas.
MÉTODO DE INSCRIPCIÓN:
Deben inscribirse ata 13 horas antes do uso do servizo a través do Centro de Información á Muller (986408043).