A alcaldesa de Redondela, Digna Rivas, vén de reunirse coa Subdirección Xeral de Patrimonio do Estado coa intención de retomar o proxecto de rehabilitación do Viaduto de Madrid, unha estrutura ferroviaria de finais do século XIX que deixou de utilizarse hai 50 anos. O obxectivo é transformalo en peonil e facer un mirador sobre Redondela que permita observar o paisaxe da vila, así como o mar e montaña que a rodea.
“Recoñecemos o valor da inciativa que dotaría ó patrimonio redondelá un uso social para o goce do pobo e o turismo, por ese motivo decidimos reunirnos co titular do estado, Bernardino Pérez Crespo. Aínda que o proxecto foi proposto en 2004 polo ex-acalde socialista Xaime Rei, nunca chegou a levarse a cabo. Esta é a primeira vez que se fan as pescudas necesarias para coñecer o estado do viaduto e a vialbilidade real da reforma”, explica Rivas.
O Concello remitirá a Patrimonio un oficio solicitando o estudo de viabilidade, co que se valorará non só o estado da infraesturctura, senón tamén o valor económico da mesma. “Para que este goberno consiga os obxectivos aquí expresados ten que ter unha perspectiva realista na que se evalúe a viabilidade económica. Comprometémonos a explorar fórmulas para que o goberno central e a Xunta de Galicia impulsen e axuden ao mantemento deste gran proxecto patrimonial”, engade a rexidora.
O Partido Popular de Redondela, encabezado polo ex-alcalde Javier Bas, presentou en 2012 a remodelación do viaducto como un dos proxectos eixe da súa campaña, presentandoo como “exemplo da boa xestión do PP”. Sobre o mencionado, Digna Rivas denuncia que “a día de hoxe sabemos que isto non eran máis que palabras sen fundamento, pois non existe rexistro de ningún expediente aberto, nin ningún informe ou estudo sobre a posta en funcionamento da obra. Este goberno pode demostrar que as súas intencións son reais, comezando pola reunión xa feita coa Subdirección Xeral de Patrimio do Estado”.
A comezos de novembro o ex-alcalde Javier Bas, acompañado da diputada popular Ana Pastor, presentaban de forma pública as súas enmedas aos orzamentos do estado, “nos que tiveron a desvergoña de mencionar a falta de subvención para o proxecto de peatonalización do viaduto cando tiveron 8 anos de mandato para facelo realidade e nin sequera o intentaron. É este goberno quen recolle os valeiros dos seus mandatos”, engade a alcaldesa. “A visita de Ana Pastor tiña a intención de comezar a súa campaña electoral para as seguintes eleccións demostrando que as súas conexións co goberno central non son máis que propaganda. Este goberno si pode demostrar que se puxo en contacto coa delegación de Madrid da Dirección Xeral do Patrimonio do Estado”, conlúe.
Despois da xa mencionada reunión iniciase o procedemento para facer realidade o proxecto e o concello comprométese a atopar a fórmula de tituralidade compartida da obra co Estado e a Xunta de Galicia. Unha das posibilidades presentadas polo concello durante a xuntanza propón que o estado se faga cargo da conservación das estructuras do viaduto e o concello faríase cargo do mantemeto dos accesos e da zona peonil.
Este é un proxecto común da vila, reivindicado por toda a veciñanza e por todos os grupos municipais dende o ano 1987. O viaduto é patrimonio histórico pero tamén un elemento de identidade ou símbolo de Redondela. “Por iso somos chamados ‘A vila dos Viadutos’. Recollemos o relevo e imos loitar, para converter en realidade o soño común da vila, pero para cumplilo primeiro é necesario contar cos informes pertinentes e os apoios económicos necesarios”, conclúe a alcaldesa.