12.2 C
Pontevedra
Venres, 9 de Decembro de 2022
Máis
    HomeComarcasRedondelaRedondela estreará unha nova oficina de Turismo e Cultura de Redondela

    Redondela estreará unha nova oficina de Turismo e Cultura de Redondela

    O Concello de Redondela rehabilitará as antigas dependencias do conservatorio de música, na rúa Isidoro Queimaliños, dentro dun plan global de rehabilitación e recuperación do patrimonio histórico do municipio. As obras, que contan cun orzamento de preto dos 300.000 euros, inclúese nas liñas establecidas para a rehabilitación e mellora do patrimonio histórico e cultural e a creación de novos eventos culturais (Plan EDUSI 2020).

    Cómpre salientar que pola rúa Isidoro Queimaliños, onde se atopa o edificio, discorre o Camiño de Santiago e que, o turismo de peregrinos supón, no caso de Redondela, preto do 90 % do fluxo turístico do municipio.

    A alcaldesa de Redondela, Digna Rivas, lembra que a Vila “conta cun importante patrimonio cultural, que é necesario poñer en valor”. Esa revalorización do patrimonio cultural redondelán, engade Rivas “sirve para que tanto o turismo como a veciñanza, coñezan mellor a historia do seu municipio e xerar sinerxias que atraian a un maior número de visitantes”.

    Programa de renovación

    A empresa adxudicataria da obra, Santorio Arquitectos, explica o programa de renovación integral. Esta xa leva catro meses de proceso nos que foron collendo forma a antedita Oficina de Turismo e as instalacións de servizos de Cultura e Normalización Lingüística.

    A planta inferior contará, cun acceso desde a plazuela de Reveriano Soutullo, albergando dependencias para usos municipais como despachos e salas de coloquios ou reunións, almacéns, etc.

    A planta superior, con acceso desde Isidoro Queimaliños, alberga a oficina de turismo e un espazo polivalente e de exposicións.

    O edificio contará cunha plataforma elevadora que garantirá a accesibilidade de persoas con mobilidade reducida, e con baños accesibles en ambas as plantas.

    A actuación contempla a mellora da eficiencia enerxética, dispoñendo illamento térmico na cuberta e trasdosados de fachadas, reparando ou substituíndo carpinterías existentes deterioradas, incorporando iluminación Led tanto no interior como no exterior e procedendo á substitución de todas as redes de servizos e instalacións do inmoble.

    Doutra banda, Rivas, sinala que a través deste programa “estanse a poñer en marcha un conxunto de actuacións que recuperen e rehabiliten o patrimonio histórico de Redondela”, un patrimonio, recalca, “que corre un grave perigo de deterioro e, polo tanto de desaparición e que inclúe xacementos arqueolóxicos, casas históricas ou cemiterios de alto valor histórico e patrimonial”. Neste último caso subliña a alcaldesa a importancia da recuperación do Cemiterio de Eidos, “que permite facer un percorrido pola historia de Redondela e das persoas que contribuíron a que o municipio sexa hoxe o que é”.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS