15.3 C
Pontevedra
Venres, 14 de Xuño de 2024
Máis
    HomeComarcasRedondelaRedondela e Soutomaior únense para poñer en valor A Peneda

    Redondela e Soutomaior únense para poñer en valor A Peneda

    Silvia Cernadas, candidata á alcaldía de Soutomaior, e Digna Rivas, candidata á alcaldía de Redondela, únense para poñer en valor ó Monte da Peneda. Un lugar de situación privilexiada que no máis alto fai a división dos dous concellos e comparte chan con ambos. Para as candidatas socialistas “o Monte da Peneda ten un enorme potencial que non só está sen explotar, senón que ademais atópase en situación de deterioro polo paso do tempo”.

    Debido a ese carácter central e privilexiado, A Peneda foi o lugar elexido por numerosos pobos para asentarse ou construír as súas fortificacións. O propio monte ten un reseñable capítulo na historia da Coroa de Castela e do propio Reino de Galicia. Fronte ao monte da Peneda atópase, en liña recta e a menos de dous quilómetros, o Castelo de Soutomaior, centro de poder da Galicia medieval.  “Toda a infraestructura creada en torno á Peneda ao longo da historia teñen o seu propio valor cultural que pode ser de enorme atractivo turístico e que aínda está por explotar, sempre de forma respetuosa co patrimonio”, explica Rivas.

    Silvia Cernadas sinala que “hai dous mil anos este monte foi un asentamento castrexo; no século XV erixiuse aquí o castelo de Castrizán para controlar os dominios de Pedro Madruga e, desde o século XVIII, existe unha ermida consagrada á Virxe das Neves. A Peneda sempre foi un lugar dunha especial significación para a veciñanza da contorna”.

    A Peneda ten unha vista panorámica de 360 graos de todas as vías de acceso por mar e terra que a converten nun dos accidentes xeográficos máis versátiles da comarca e de ambos municipios. Digna Rivas engade que “ Redondela e Soutomairo comparten historia a través da Peneda e ambos Concellos deben unirse para unha posta en valor común”.

    Desde o alto tamén nos atopamos nunha posición única para comprender o funcionamento do mundo romano xa que, baixo os nosos pés estendíase a vía XIX de Antonino. Esta calzada romana era unha vía principal que comunicaba Asturica Augusta (Astorga) con Lucus Augusti (Lugo) e Bracara Augusta (Braga).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.