10.1 C
Pontevedra
Luns, 26 de Febreiro de 2024
Máis
    HomeComarcasRedondelaRedondela condena a violencia machista cunha concentración institucional

    Redondela condena a violencia machista cunha concentración institucional

    O Concello de Redondela celebrou este mediodía unha concentración como acto de repulsa polo último asasinato machista perpetrado en Galicia. A alcaldesa, Digna Rivas, sinalou que a violencia machista “ten nome e apelidos”. O última muller asasinada é Encarnación Regueiro Rodríguez, tiña 80 anos e era veciña de Sigüeiro, en Oroso. O seu home, Manuel Barbeira, matouna a coiteladas.

    Este é o feminicidio número 54 en España no que vai de ano segundo os datos oficiais. Pero son máis. A  día de hoxe son xa 99 as mulleres asasinadas polas súas parellas ou ex parellas que contabiliza o portal Feminicio.net. Desde 2003, cando se empezaron a contabilizar os asasinatos machistas, 1.234 mulleres foron asasinadas a mans das súas parellas ou ex parellas.

    A rexedora redondelá insistiu en que é “unha tarefa de todos e todas acabar co terrorismo machista. Unha tarefa das administracións e de toda a sociedade, e que é unha obriga implicarnos todos e todas contra a violencia machista”. O acto rematou cun minuto de silencio.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.