O auditorio do Piñeiral do Crego acollerá, o mércores 8 de novembro ás 17.30 horas, unha charla informativa á que están convidados colectivos e asociacións de Chapela, así como toda a veciñanza da parroquia que desexe asistir. O obxectivo desta xuntanza é darlles cumprida información sobre as obras de reposición da autoestrada AP-9 que acaban de comezar. A alcaldesa, Digna Rivas, avanzou que na reunión participarán responsables de Audasa, empresa concesionaria da autoestrada, e de Civis Global, a construtora adxudicataria das obras. 17.30 horas.
Os traballos centraranse na mellora do viario de Chapela e Trasmañó na contorna das obras de ampliación da AP-9. Ampliarase o paso sobre a autoestrada que dá acceso a San Vicente de Trasmañó, renovarase o Camiño Mouriño e realizaranse melloras no Camiño da Igrexa e Rúa Pasán. O proxecto inclúe a renovación das redes de abastecemento, a iluminación pública e dous parques infantís da zona. As obras contan cun orzamento de 2,65 millóns de euros e o prazo de execución é de 9 meses.
