Un cento de obras e proxectos, co denominador común de estar elaboradas con materiais de
refugallo, toman Redondela enchéndoa de orixinalidade e reevindicación. Como ven sendo
costume nas derradeiras edicións cada ano arranca nunha parroquia diferente, este ano a
intención era inaugurar en Rande no entorno do espazo conmemorativo da batalla de Rande
mais pola climatoloxía que se espera o sábado a celebración en Rande queda para o día 6 de
maio.
Por tanto, desta volta o pistoletazo de saída será o domingo 23 no Multiusos da
Xunqueira coa lectura do pregón ás 12:00 do mediodía que correrá a cargo de Verónica
Romero de Compromiso pola Terra, colectivo que naceu en 2015 co obxetivo de concienciar
contra o cambio climático. Seguidamente farase a presentación da exposición de arte que se
poderá visitar no Multiusos dende o domingo o 23 de abril e ata o 7 de maio.
A exposición leva por título “Onde habito”, de Ana María Cabanes Fontao, artista plástica galega que busca que a sua obra ademais de colorista teña mensaxe crítico no referente á sostenibilidade.
Ademáis da exposición no multiusos e os artelixos expostos polo municipio a semana completarase con actividades paralelas como a poesía para peóns que será o luns 24, mércores e xoves 2 faladoiros, venres o debate “O análise político do cambio climático” coa participación de grupos políticos de Redondela con representación no pleno para chegar ao sábado 29 que será o xa famoso SonaLixo con obradoiros para as crianzas a primeira hora da tarde e rematar con concertos de micros abertos.
