18.7 C
Pontevedra
Luns, 24 de Xuño de 2024
Máis
    HomeComarcasRedondelaPublicadas as bases para a concesión de subvencións no Concello de Redondela

    Publicadas as bases para a concesión de subvencións no Concello de Redondela

    O Boletín Oficial da Provincia de Pontevedra publicou, con data do 20 de agosto de 2019, o extracto das axudas de comedor escolar e de diversas subvencións aprobadas polas distintas Concellerías do Concello de Redondela.

    Pola Concellería de Ensino aprobouse á convocatoria para a concesión de axudas de comedor escolar para o curso 2019-2020, para todos os/as menores que estean escolarizados en centros públicos do Concello de Redondela e fagan uso do comedor escolar.

    Pola súa banda, dende a Concellería de Cultura aprobáronse no mes de agosto tres subvencións: unha dirixida a Festivais non Profesionais de Música e Artes Escénicas; unha segunda dirixida ás Comisións de Festas Populares, Tradicionais e Gastronóminas de Redondela e, por último, unha destinada a Actividades Culturais a Centros, Asociacións e Entidades Culturais.

    No que fai referencia á Concellería de Participación Cidadá publicáronse as subvencións para a Realización de Actividades no ano 2019 e para Gastos Correntes para os Centros Parroquiais para o ano 2019.

    O prazo de presentación das solicitudes remata o 15 de setembro para todas as subvencións, agás a axuda de comedor escolar que ten un prazo para a presentación de solicitudes de 30 días naturais dende a publicación do extracto, é dicir, dende o 20 de agosto.

    Todas as persoas e entidades que estean interesadas en solicitar a axuda e as distintas subvencións enumeradas anteriormente, poden consultar a páxina web do Concello de Redondela onde están publicadas as bases e convocatorias, ou poden dirixirse ás distintas Concellerías.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.