“O Nadal ten que ser para todos os nenos, senón non sería Nadal”, afirmou a alcaldesa Digna Rivas ao presentar, acompañada da concelleira de Servizos Sociais, Iria Vilaboa, a campaña ‘Redondela xoga en igualdade’, iniciativa pola que o Concello mercará xoguetes para, posteriormente, ser distribuídos entre as familias usuarias dos Servizos Sociais municipais.
‘Redondela xoga en igualdade’, posta en marcha o pasado ano por iniciativa da propia alcaldesa, daquela concelleira de Igualdade, será costeada nesta segunda edición por fondos propios do Concello. Non se trata dunha campaña de recollida de xoguetes, senón de mercar xoguetes novos para logo ser distribuídos. “Estamos a falar de solidariedade e non de caridade”, afirmou Rivas.
A alcaldesa agradeceu a colaboración das xogueterías Mandamamá, Don Dino e Celestadas “que cando se lles presentou a idea non dubidaron nin un só instante en sumarse á mesma e tentar a situación económica das familias, non repercuta na ilusión coa que as e os máis pequenos viven estas datas”, explica a alcaldesa redondela.
Os xoguetes que se mercarán serán, ao igual que na primeira edición da campaña, igualitarios e non sexistas porque, a través do xogo pódense inculcar valores como a igualdade, imprescindibles no camiño cara a unha sociedade máis xusta.
‘Redondela xoga en igualdade’ busca polo tanto case que un triplo obxectivo. Por unha banda que as nenas e nenos das familias máis desfavorecidas poidan desfrutar das datas do Nadal e toda a carga de ilusión que iso supón. Cúmprese, ademais, o principio de transversalidade que, en materia de igualdade, busca o Goberno local en todas e cada unha das súas actuación como ferramenta de concienciación social.
Por último ‘Redondela xoga en igualdade’ acada un terceiro obxectivo que é contribuír á dinamización dun comercio local duramente golpeado pola crise da Covid.
Por segundo ano, Redondela mercará xoguetes para os nenos das familias usuarias dos servizos sociais
A alcaldesa agradeceu a colaboración das xogueterías Mandamamá, Don Dino e Celestadas na segunda edición de Redondela xoga en igualdade que o Concello costeará con fondos propios
COLABORACIÓNS
Alberto Mancebo, «O que me quedaba por dicirche»
Poderiamos afirmar que nos últimos meses algo se está a mover na literatura galega pola aparición de novos autores que nos sorprenden gratamente pola frescura das súas propostas.
Antón Riveiro Coello, «Hotel Carioca»
Antón Riveiro Coello volve a demostrar a súa rara habilidade para a construción de historias nas que xoga a mantenta coas personaxes e mais co lector.
Branca Novoneyra, «As cunchas baleiras»
Logo dunha longa década de escrita íntima e de reflexión, Branca Novoneyra decide facer público un novo poemario de clara vocación estética e simbólica como é «As cunchas baleiras», que ela mesma concibe como unha «antoloxía» dos versos que saíron da súa pluma ao longo de todo este tempo.
Fabio Rivas, «A pintura debida»
Ás veces atopamos sorpresas inesperadas que nos fan sorrir e confiar na saúde da nosa literatura.
Colaboradores
