O Obradoiro de Estudos Locais Fernando Monroy presenta o vindeiro 9 de outubre no multiusos da Xunqueira de Redondela o documental Ostras. O Peche do mar, un traballo impulsado pola directiva da entidade e dirixido polo redondelán Fernando Carreira ‘Cuchi’. A peza audiovisual é unha análise do conflito vivido na parroquia entre finais de 1955 e inicio de 1956.
Esta presentación no multiusos de Redondela será un segundo pase da peza audiovisual logo da estrea no mes de xuño na illa de San Simón e que rapidamente completou o seu aforo. Agora preténdese que os veciños que non puideron estar na estrea poidan gozar coa súa presentación e proxección no multiusos de Redondela. O colectivo cumpre de esta forma, o seu compromiso de intentar chegar a o máxima número de veciños posible e de contar este relato que forma parte da historia do noso pobo.
Naquel período, en plena ditadura, intentouse a creación dun parque ostrícola na praia de Cesantes, que atopou a oposición da veciñanza e estivo liderada polas mariscadoras, principais afectadas da parcelación do areal, xa que era unha fonte de ingresos fundamental nun tempos duros. Na peza recóllense testemuñas de protagonistas, información do iniciativa e, incluso, das institucións públicas que impulsaron o proxecto. A prensa da época recolleu uns feitos que conmocionaron o concello e nos que existiu unha gran participación veciñal.
O programa de actos dará comezo ás 18:00 h coa presentación que correrá a cargo do presidente da asociación, José Antonio Martínez e o acto estará amenizado polo grupo de Camerata da Ría. Unha vez rematada este primer pase, falará Manuel López, membro da asociación que se encargou da documentación para este documental e realizárase un pase do documental Ostras. O peche do mar.
O presidente da asociación dará as grazas a todos os colaboradores da iniciativa , con especial atención as mariscadoras, algunhas en vida e outras, desgraciadamente xa finadas, tamén os científicos do CSIC, Javier Guerra e Antonio Figueras, e como non, a Miguel Borines e o director do documental Fernando Carreira ‘Cuchi’. Logo volverá a actuar o grupo Camerata da Ría que pecharán o acto.
