“En tempos de pandemía xorden boas iniciativas que nos gusta destacar”, asegura a Asociación de Empresarios de Redondela. E unha boa iniciativa é, sen dúbida, a cadea de agradecementos aos clientes que enchen os escaparates dos establecementos de Redondela.
Luisa Hermida e xerente do establecemento de moda W52, localizado nunha das rúas mais céntricas de Redondela, na rúa José Regojo. Os seu grandes escaparates apareceron un día decorados cunha fermosa frase de agradecemento á clientela “Gracias a ti, por confiar en el comercio local en estos momentos tan complicados. Mil Gracias Redondela”.
As habilidades de Luisa empregando a técnica de lettering conquistaron as miradas de clientes e de outros comercios e Luisa comezou a replicar a mensaxe nun e noutro escaparate ata que case perdeu a conta. Agbora xa son máis de 50 os establecementos que contan con esta singular mensaxe e a cadea de agradecementos non para.
E é que Luisa, ao igual que os resto de compañeiros, comerciantes, hostaleiros e profesionais que dan vida as nosas vilas queren dar as grazas aos clientes que están a confiar no comercio local.
Desde a Asociación de Empresarios de Redondela “non temos máis de apoiar e difundir iniciativas como estas de contribúen a un comercio local mais forte e unido”, afirman. “A confianza recuperación da confianza no pequeno comercio é vital nun momento como o actual é vital para a recuperación e dende as asociacionismo comercial e empresarial seguiremos traballando por poñer en valor a vocación de servizo que no pequeno comercio sempre estivo aí. Grazas a ti Luisa!”, conclúe a Asociación de Empresarios.
