O Pleno da Corporación de Redondela, amosouse maoritariamente en contra do Macrocomplexo deportivo e comercial, que o Celta de Vigo pretende construír no veciño concello de Mos. Nunha moción presentada polo Bloque Nacionalista Galego, formulou rexeitar o proxecto por agochar unha grande Área Comercial poñendo en risco o futuro do Comercio Local. Tanto Partido Socialista, como AER, entenderon a gravidade da situación dando o seu apoio á iniciativa nacionalista. Pola contra, o PP negouse a apoiala argumentando “que se trataba dunha cuestión que non afectaba ao noso concello”.
“Tras a idílica imaxe dun complexo deportivo, agóchase unha grande Área Comercial con 140 tendas, 12 locais de restauración, o que consideramos unha competenza desleal ao noso comercio de proximidade”, afirma Xoán Carlos González, quen defendeu a moción. Segundo o nacionalista, “sorprendentemente ao posicionarse a favor da Macroárea Comercial, o Partido Popular de Redondela volve darlle as costas ao pequeño comercio, un sector que crea emprego de calidade, dinamizando as vilas e concellos”.
Na moción, recóllese que ademáis de rexeitar grande Área Comercial, que vai a ocupar un millón de metros cadrados dos montes de Mos, pide ao novo goberno galego unha moratoria de dez anos na concesión de licencias. “A presenza do BNG no goberno galego garantirá unha nova orientación lexislativa en defensa e polo futuro do Comercio Local; que será impulsado e dinamizado” salienta na súa nota Xoán Carlos González.