14.6 C
Pontevedra
Domingo, 25 de Febreiro de 2024
Máis
    HomeComarcasRedondelaO plan de 'Delimitación dos Espazos e Usos Portuarios do Porto de...

    O plan de ‘Delimitación dos Espazos e Usos Portuarios do Porto de Vigo’ ignora as demandas de Redondela

    O Concello redondelán presentou suxestións ao Plan na súa fase de consultas previas para a avaliación ambiental, ao consideralo prexudicial medioambientalmente e dende o punto de vista patrimonial

    O Concello de Redondela presentou unha serie de suxestións ao plan de Delimitación dos Espazos e Usos Portuarios do Porto de Vigo (DEUP) ao considerar que “unha vez máis ignora as demandas de Redondela e a súa realidade patrimonial e medioambiental”.

    Tanto a alcaldesa Digna Rivas coma o concelleiro de Medio Ambiente, Roberto Villar, salientaron que o Plan, no que fai referencia á documentación ambiental presentada “ten unha certa simplicidade que non pode responder máis que a unha falta de profundidade dos traballos realizados”.

    Así o Concello de Redondela destaca o feito que o DEUP só ten en conta as necesidades propias da actividade comercial do porto “sen ter en consideración os criterios ambientais, paisaxísticos, territoriais, culturais e socioeconómicos do municipio”.

    Nesa liña, o Goberno redondelán considera necesario que este Plan recolla temas importantes como “evitar a ocupación innecesaria de solo e os efectos negativos sobre a Rede Natura 2000 e concretamente a enseada de San Simón, favorecer a actividade vinculada aos valores e potencialidades ambientais como garantía para manter a paisaxe e, nesa liña, maximizar a protección de espazos ou elementos de interese natural”, cousa que o actual documento non fai.

    Non deixa de ser curioso, apunta o Concello, que o Plan non faga referencia algunha sobre os potenciais efectos sobre a conectividade ecolóxica cando o certo é que “o ámbito portuario é unha extensa barreira entre o ámbito terrestre e o marítimo”.

    Nas súas suxestións e no que fai referencia á explanada de Duchess, o informe técnico do Concello é claro ao sinalar que “deberíanse estudar actividades diferentes á terminal de contedores” xa que no análise realizado non da resposta a temas importante como “configurar unha fachada marítima de calidade, mellorar os elementos naturais da costa, ou procurar o ‘esponxamento’ do borde marítimo como lugar de contacto co mar e lugar de encontro e cohesión social” entre outras moitas consideracións.

    A falta de rigor no aspecto medioambiental ten a súa continuidade no eido patrimonial e o Plan amosa un absoluto esquecemento do patrimonio do municipio, tanto material como inmaterial. Así, nas alegacións recóllense unha vintena de elementos patrimoniais, recollidos no Plan Básico Autonómico e que se verían afectados polo DEUP.

    De feito o Plan de Espazos e Usos Portuarios obvia “pese as reiteradas e insistentes reclamacións do Concello nese sentido” elementos recollidos no Plan Básico Autonómico sendo o máis destacado o BIC Illa de San Simón, que non se atopa dentro da zona de servizo do porto “pero que debe ser tido en conta no análise ambiental e patrimonial en canto aos efectos derivados das futuras actividades no ámbito portuario”.

    Do mesmo xeito, obviase o cargadoiro de mineral de Coto Wagner, elemento do patrimonio industrial redondelán que o Concello considera “imprescindible recuperar e poñer en valor” e que o Plan obvia totalmente.

    O Concello redondelán considera “inadmisible” que “as demandas de Redondela, debidamente argumentadas, sexan ignoradas sen ningún motivo obxectivo”. Digna Rivas lembra que, dende que chegou á alcaldía, “a protección do noso municipio, globalmente falando, foi unha das miñas prioridades” e amosou a súa intención de “seguir defendendo Redondela, os intereses da veciñanza e o seu patrimonio histórico, industrial e medioambiental por todos os medios posibles”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.