14.8 C
Pontevedra
Xoves, 19 de Maio de 2022
Máis
    HomeComarcasRedondelaO Goberno de Redondela traslada a Renfe ás necesidades da veciñanza

    O Goberno de Redondela traslada a Renfe ás necesidades da veciñanza

    A alcaldesa redondelá, Digna Rivas e o concelleiro Daniel Boullosa, reuníronse en Madrid co director xeral de Viaxeiros de Renfe, Rafael Azuara

    A alcaldesa de Redondela, Digna Rivas, e o concelleiro de Turismo, Daniel Boullosa, aproveitaron a súa visita a Fitur para reunirise co director xeral de Viaxeiros de Renfe, Rafael Azuara de cara a trasladalle a necesidade de aumentar as frecuencias nos trens de proximidade entre Pontevedra e Vigo.

    Digna Rivas obtivo o compromiso por parte de Renfe “de revisar exhaustivamente as frecuencias das liñas e paradas” de cara a potenciar o servizo, aumentar a súa frecuencia e dar mellor servizo aos usuarios e usuarias. Actualmente Redondela conta cun total de 21 paradas nas distintas estacións e apeadeiros.

    Pola súa banda, o Goberno Municipal comprométese a realizar campañas de promoción e impulso do uso do ferrocarril, e dende o Concello adoptaranse tódalas medidas necesarias para informar e animar a veciñanza a utilizar un medio de transporte “alternativo, cómodo, accesible e respectuoso co medio ambiente”.

    A venda presencial de billetes na estación da Portela foi outro dos temas tratados por Digna Rivas na reunión de Madrid. Nese sentido, a alcaldesa amosou a súa satisfacción pola decisión de Renfe de “cambiar as medidas adoptadas en días anteriores, comprometéndose a manter este servizo ata o próximo 30 de xuño”. A partir desta data Renfe contratará a persoal de apoio, persoas en situación de desempleo inscritas nas oficinas do INEM de Redondela, “que se encargarán de asesorar aos usuarios e usuarias á hora de adquirir os seus billetes nas máquinas de autovenda ou nas distintas formas habilitadas”.

    O pasado venres, a alcaldesa, Digna Rivas e outros membros do Goberno redondelán mantiveran unha fructuosa reunión con representantes de Adif, concretamente con José Díaz Salgado e Víctor Barros, xefe e subdirector de estacións do Noroeste, respectivamente, e Juan Manuel Cutrín, xefe de Estacións de Galicia.

    A alcaldesa agradeceu o compromiso de Adif de tramitar unha reivindicación de gran importancia como é a posibilidade de que as infraestructuras ferroviarias infrautilizadas, como a estación de Eidos, “poida ser utilizadas pola veciñanza como centros de cultura e ocio onde celebrar, puntualmente, distintos actos sociais ou culturais”.

    Outras das accións a valorar serán as medidas que Renfe deberá adoptar para mellorar algunhas infraestructuras, así como a seguridade, en distintos puntos do municipio, como Cesantes ou A Portela, “reivindicacións veciñais que levan anos sen terse en conta”, sinalou Digna Rivas.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS