O Concello de Redondela poñerá a disposición das veciñas e veciños afectados pola reposición de viais da AP-9, os servizos dunha empresa que se encargará de asesorar á veciñanza e tramitar as posibles alegacións que queiran presentar de xeito individual.
As reunións terán lugar o venres 7 de agosto e o martes 11 de agosto en horario de 16:30 horas a 19:30 horas no multiúsos de Chapela.
Doutra banda o Goberno local anunciou xa a súa intención de chamar individualmente á veciñanza afectada “para que ninguén quede atrás e todas e todos teñan a oportunidade de presentar alegacións ou solicitar información sobre o proxecto”.
