14.7 C
Pontevedra
Domingo, 5 de Febreiro de 2023
Máis
    HomeComarcasRedondelaO Concello de Redondela inicia a apertura de expedientes sancionadores por abandono...

    O Concello de Redondela inicia a apertura de expedientes sancionadores por abandono de vehículos

    O Goberno do PP deixou vencer un convenio coa Deputación de Pontevedra polo que o organismo provincial retiraba os automóbiles abandonados para o seu posterior reciclaxe

    O Concello de Redondela vén de anunciar a apertura de máis dunha vintena de expedientes sancionadores polo abandono de vehículos en todo o termo municipal. Con esta medida, o executivo local asegura querer poñer fin “á imaxe de descoido e deixamento” que orixina esta situación amais “do seu impacto medioambiental”.

    A Policía Local e a Concellería de Medio Ambiente iniciaron a apertura de ditos expedientes para que, tras a correspondente notificación aos propietarios ou propietarias, estes procedan a súa retirada no período que se estableza.

    A desidia amosada polo anterior Goberno nesta materia fai que haxa vehículos que levan máis de dous anos estacionados na vía pública, a maiores dos que se atopan inmobilizados no anexo da xefatura da Policía Local redondelá, na base de Grúas Rivera, empresa adxudicataria do servizo do guindastre municipal.

    Lamenta o Goberno local que o deixamento do Goberno do PP chegara ao punto de “deixar vencer un convenio que tiñan asinado coa Deputación de Pontevedra pola que o organismo provincial, sen custe algún para os concellos, procedía á retirada dos vehículos para a súa posterior reciclaxe”. Dito convenio, “rematou sen que fora utilizado o que fala, ben as claras, do grado de desidia do anterior Goberno”, explica o Goberno local.

    Digna Rivas adianta que o Concello de Redondela “está a espera dunha nova convocatoria desta iniciativa da Deputación para poder adherirnos ao mesmo e evitar que estas situacións volvan a producirse”.

    Dende o Concello faise un chamamento “á colaboración cidadá tanto á hora de non abandonar os vehículos coma de dar conta de casos de automóbiles abandonados” utilizando para iso ou as redes sociais do Concello, dirixíndose á Policía Local ou mediante escrito dirixido ao Concello de Redondela “para a súa posterior tramitación e inicio dos procedementos establecidos para a retirada de ditos vehículos”.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS