7.5 C
Pontevedra
Sábado, 4 de Febreiro de 2023
Máis
    HomeComarcasRedondelaO BNG cualifica de "caótica" a situación do Centro de Saúde de...

    O BNG cualifica de “caótica” a situación do Centro de Saúde de Redondela

    Malia as denuncias por parte do persoal sanitario e da propia organización nacionalista, e posicionamentos do Pleno “poucas melloras se teñen producido na Atención Primaria sanitaria en Redondela” sinala o BNG de Redondela cun Centro de Saúde, afirman, no que “continúa manténdose unha situación estresante para os e as profesionais, que incide nunha mala atención á doentes”.

    Dende a organización nacionalista advirten que “pouco ou nada” tén mudado dende o verán no que se fixeron eco da falla de substitucións de persoal do Centro de Saúde. O último dos episodios vivíuse durante o pasado mércores no servizo de seguemento de anticogulantes, coñecido como ‘sintrom’. Ante a ausencia dunha das profesionais do persoal de enfermería vivíronse momentos de saturación na atención. O persoal víuse desbordado coas conseguintes molestias e queixas por parte dos e das doentes.

    Para o BNG de Redondela este non é máis que “un novo exemplo da situación de strés continuo á que se ve sometido o persoal sanitario” á que “os responsábeis da Consellaría de Sanidade non lle poñen solución”.

    Día a día acumúlanse as tarefas, a sobrecarga do traballo, a burocratización, a improvisación, o que leva a que os e as profesionais da mediciña, “non se sintan motivados, se vexan saturados e desbordados”, apunta a formación nacionalista.

    Os nacionalistas dan conta tamén do caso dalgúns facultativos que “xa se poderían ter acollido ao seu dereito á xubilación, mais que non dan ese paso”. Ante a evidente escaseza de persoal, “sobrecargaríase no resto de compañeiros e compañeiras, como ven sucedendo habitualmente coas pediatras, onde as baixas das profesionáis cúbrese con horas a maiores das médicas activas nese momento”. “A implicación e responsabilidade profesional, mitiga a mala xestión dos responsábeis sanitarios”, subliña o BNG.

    Dende o BNG consideran que o goberno de Feijóo, “pretende facer negocio coa saúde dos galegos e galegas, ao deteriorar a Atención Primaria derivando doentes aos centros hospitalarios, xestionados por empresas privadas”.

    No mes de setembro presentouse unha moción no Pleno da Corporación, sobre a situación do Centro de Saúde. “Daquela, –lembra o voceiro municipal do BNG, Xoán Carlos González– dende SERGAS acusóusenos de alarmistas”.

    O edil nacionalista enmarca a situación deste Centro de Saúde, “no deterioro que a Atención Primaria leva sendo castigada na era Feijóo, polo que considera que a única vía para mudar esta situación pasa por un cambio de modelo, cambiando o Goberno” e convida á veciñanza á Manifestación en Defensa da Sanidade que se vai celebrar o martes 17 de marzo polas rúas de Vigo”.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS