4.5 C
Pontevedra
Domingo, 28 de Novembro de 2021
Máis
    HomeComarcasRedondelaNotable aumento do número de persoas que acuden á Oficina de Turismo...

    Notable aumento do número de persoas que acuden á Oficina de Turismo de Redondela

    Os números sinalan que entre os meses de maio a outubro un total de 3.349 persoas demandaron información turística do municipio fronte aos 1.003 de todo o ano 2020

    Redondela recupera, pouco a pouco, a importancia que en materia turística corresponde ao cuarto concello da provincia de Pontevedra, segundo se desprende dos datos aportados pola Concellería de Turismo, que xestiona María Castro. As cifras destacan que a Oficina de Turismo atendeu, no período comprendido entre abril e outubro de 2021, a un total de 3.349 persoas, fronte ás 1.003 que solicitaron información ao longo de todo o ano 2020.

    No que ao número de persoas peregrinas fai referencia –en Redondela conflúen o Camiño Portugués e o Camiño Portugués pola Costa– o incremento supera o 22 % con 2.602 visitas das que 1.936 foron de persoas procedentes doutras comunidades autónomas do Estado e 666 estranxeiros. En canto á procedencia, un 23,1 % (448) procedían de Andalucía (448), un 22,3 % % de Madrid (431), seguidas pola Comunidade Valenciá (260), Galicia (164) e Cataluña (146). Polo que á peregrinaxe estranxeira fai referencia, un 38,1 % (254) eran de nacionalidade portuguesa, seguidos por Alemania (92), Italia (92), Francia (30) e EEUU (19).

    En canto a visitantes e turistas non peregrinos, 469 persoas pasaron pola oficina de turismo entre abril e outubro fronte ás 237 que o fixeron ao longo de todo o ano 2020. Por procedencia deste turismo interior, as persoas chegadas de Madrid foron as que máis información solicitaron seguidas polas que viñan doutros puntos de Galicia, Andalucía, Cataluña e Castela e León.

    Doutra banda e no que respecta ao turismo estranxeiro, as persoas chegadas de Portugal, Alemania e Francia foron as que máis información solicitaron na Oficina de Turismo de Redondela. Cómpre salientar un importante crecemento tamén do turismo local, persoas de Redondela que se achegaron ás dependencias de turismo que subiron ata as 378 fronte ás 182 do 2020.

    A estes datos “esperanzadores logo dunha época de pandemia na que o sector turístico foi, xunto co comercio e a hostalaría, un dos máis afectados”, afirma a concelleira, engádese o feito da ocupación hostaleira que rondou en Redondela o 100 %. En todo caso, os datos, subliña o Goberno local, fan referencia tan só ás persoas que pasaron pola Oficina de Turismo que “sempre supoñen unha baixa porcentaxe respecto á totalidade de persoas, peregrinas ou turistas, que visitaron Redondela”

    O feito que en Redondela conflúan o Camiño Portugués e o Camiño Portugués pola Costa –este último cun crecemento exponencial dende a súa oficialización– e que o 2021 sexa Ano Santo Compostelá, contribuíron á dinamización turística do municipio.

    Nese sentido, tanto a concelleira María Castro, como a alcaldesa Digna Rivas, destacan a importancia de “reforzar a oferta turística do municipio –tanto histórica como patrimonial, cultural e paisaxística– para aproveita o fluxo de persoas peregrinas que, logo, se converten nos nosos mellores embaixadores de volta aos seus fogares”.

    O Museo Meirande non foi alleo ao crecemento do turismo en Redondela rexistrando, ata outubro 2021, 1.180 visitas máis que no mesmo período do 2020. Os datos, evidentemente, están moi lonxe dos que se acadaban no 2019, antes da pandemia da Covid-19. Non se pode esquecer, explica a alcaldesa de Redondela, “que antes da pandemia o museo organizaba visitas guiadas con grupos de ata 50 persoas mentres que, ata hai uns días, tan só se podían facer cun máximo de 10 participantes.

    O patrimonio cultural, histórico, artístico e natural de Redondela é incuestionable, asegura a alcaldesa redondelá e nesa liña “estamos a traballar para que o municipio pase de ser un lugar de paso para as persoas peregrinas, a unha etapa no camiño na que parar, visitar e coñecer para, logo, continuar cara a Santiago”.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS