8.3 C
Pontevedra
Xoves, 28 de Marzo de 2024
Máis
    HomeComarcasRedondelaNoite con incidencias para a Policía Local de Redondela

    Noite con incidencias para a Policía Local de Redondela

    Axentes da Policía Local de Redondela procederon, na madrugada do martes, a investigar a un condutor logo de recibir varias chamadas de aviso sobre a condución errática do vehículo en dirección O Porriño – Redondela.

    A Policía Local localizouno no casco urbán, onde lle fixeron unha proba de alcoholemia, na que arroxou unhas tasas de 1,05 e 1,03 mg/l de aire espirado.

    Ademais, os axentes da Policía tamén recibiron unha chamada dun veciño informando sobre o incendio nunha vivenda da rúa Prata, no casco urbán, ata onde se desprazou a patrulla. Unha vez no lugar do incendio, e tras alertar aos veciños lindantes, viron que tratábase dun inmoble deshabitado que xa ardera fai un ano.

    Tras a alerta do incendio, compareceu alí o GES de Mos, quen sofocaría o pequeno lume ocasionado por un cortocicuito.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.