13.7 C
Pontevedra
Sábado, 18 de Maio de 2024
Máis
    HomeComarcasRedondelaIniciadas as obras para a construción do Centro Social de Quintela

    Iniciadas as obras para a construción do Centro Social de Quintela

    As obras, cun importe de licitación superior aos 423.000 euros, serán financiadas con cargo ao remanente de tesourería e teñen un prazo de execución de catro meses

    O Concello de Redondela iniciaba a semana pasada os traballos para a construción do Centro Social de Quintela, obras que se realizan nos terreos cedidos por ADIF-AV e que foron licitadas cun importe de 423.635,22 € con cargo ao remanente de tesourería. Os traballos, adxudicados á empresa Rocas Graníticas del Condado, S.L., teñen un prazo de execución de 4 meses.

    Co inicio desta obra dáse resposta a unha vella aspiración da veciñanza de Quintela que carecía, ata o de agora, dun espazo adecuado para a realización das súas actividades sociais, culturais e veciñais.

    Este proxecto, que xa fora adxudicado polo anterior Goberno do PP poucos días antes das eleccións municipais de 2019, non puido realizarse por diversas irregularidades detectadas, que provocaron a renuncia da empresa adxudicataria que advertía da dubidosa execución da mesma “ao detectar deficiencias de redacción do proxecto e a esixencia de adquirir uns módulos de marca concreta en contra do indicado na lei de contratos”, aclara a alcaldesa Digna Rivas.

    A todos estes impedimentos para “o inicio inminente” que anunciaba o PP, engadíase a denuncia que Colexio de Arquitectos de Galicia presentaba ao “proxecto estrela do PP que demostraba ser só un engano máis á veciñanza, como outros moitos, ao considerar que infrinxía a Lei de Ordenación da Edificación e estaba asinado por un técnico que –segundo informaba o Colexio– non tiña competencias na materia”, engade a rexedora local.

    As circunstancias anteriores obrigaron a que, o actual Goberno, paralizase o procedemento para iniciar outro comezando pola redacción dun novo proxecto que corrixira as deficiencias anteriores, o que supuxo un aumento de máis de 55.000 euros o prezo inicial. Do mesmo xeito foi precisa a solicitude de novos informes técnicos e autorizacións sectoriais o que provocou a dilatación do procedemento máis do esperado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.