12.9 C
Pontevedra
Mércores, 22 de Maio de 2024
Máis
    HomeComarcasRedondelaCruz Vermella Redondela promove hábitos de vida saudables a través do proxecto...

    Cruz Vermella Redondela promove hábitos de vida saudables a través do proxecto “Procurando Saúde”

    As actividades comezaron na parroquia de Cabeiro en xullo e agosto, o 9 de Setembro en Reboreda e continuarán o 5 de outubro, en Chapela, coa subvención do Concello de Redondela

    Durante o mes de xullo, a sede de Cruz Vermella en Redondela retomou as actividades presenciais e deu inicio ao proxecto “Procurando Saúde”, que ten como obxectivo mellorar a calidade de vida das persoas a través do reforzo dos hábitos saudables e a xestión das
    emocións e que pretende chegar, polo menos, a 40 participantes do Concello de Redondela.

    O programa desenvólvese cunha metodoloxía lúdica e activa, e realízase tanto de forma individual como grupal (cun máximo de 10 participantes por sesión). Consiste nun itinerario personalizado onde realizamos unha valoración das necesidades individuais dos participantes e ofértanse unha serie de capacitacións grupais adaptadas ao grupo, todo iso reforzado por un seguimento a través de orientacións telefónicas e unha sesión de avaliación final.

    Nas sesións abórdanse temas como a xestión da tensión a través do “Humor como terapia”, ou a autoestima, con sesións sobre o amor propio “quérome e cóidome” e o empoderamento como reforzo #ante situacións complicadas.

    Ademais proporciónase información básica sobre hábitos saudables e o impacto que teñen na nosa saúde. Este proxecto desenvólvese entre os meses de xullo e novembro 2021 e está subvencionado polo Concello de Redondela, ademais de contar coa colaboración das diferentes entidades onde se realizan os talleres.

    Actualmente estes talleres están a ter lugar Asociación Labrego Cultural de Reboreda
    e o 5 de Outubro comezará no Círculo Cultural Recreativo de Chapela.

    Despois de ano e medio ofrecendo actividades telemáticas e atención telefónica, Cruz Vermella Redondela, prevé volver ofrecer máis cursos presenciais e semi presenciais, sempre garantindo a seguridade dos participantes, para promover a interacción social.

    Ademais do proxecto “Procurando Saúde”, continúan os talleres de memoria para persoas maiores, as clases de español para persoas inmigrantes e os talleres dentro do proxecto “Promoción do éxito escolar” para os máis novos, entre outros. Para máis información e inscricións:

    Cruz Vermella apóiase na importancia da incidencia e control dos determinantes da saúde e traballa na formación continua da poboación en xeral para aumentar a concienciación sobre a importancia dos hábitos saudables e o seu impacto. Desde Cruz Vermella estableceuse un reto importante para reforzar a vertente preventiva na saúde e promocionar hábitos de vida
    saudables ás persoas atendidas, con especial atención nas persoas maiores e/ou con dificultades sociais e económicas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.