18.6 C
Pontevedra
Venres, 19 de Agosto de 2022
Máis
    HomeComarcasRedondelaCruz Vermella en Redondela atende a máis de 400 persoas na súa...

    Cruz Vermella en Redondela atende a máis de 400 persoas na súa atención fronte á pandemia, con máis de 1200 intervencións

    O Plan Cruz Vermella RESPONDE é unha intervención integral fronte á Covid-19 a través de accións nas áreas de socorros, inclusión social, saúde, educación, e emprego

    A principios de 2020, Cruz Vermella poñía os cimentos do que sería a maior operación
    de toda a súa historia en canto a mobilización de recursos, capacidades e persoas.

    Ante o incipiente impacto da COVID-19, a Organización humanitaria intensificaba a súa actividade coas persoas máis vulnerables a través de iniciativas como unha campaña especial de seguimento telefónico na provincia a máis de 14.000 persoas dos seus programas, identificadas como especialmente vulnerables ante o virus, co fin de informar, axudar e detectar novas necesidades.

    Cruz Vermella poñía ao dispor das autoridades sanitarias todos os seus recursos humanos e loxísticos, acompañando a persoal sanitario, recollendo mostras, trasladando a persoas afectadas ou ofrecendo tamén os seus equipos de apoio psicosocial. Activaba campañas de comunicación e de sensibilización en todas as súas canles, ofrecendo a toda a sociedade cursos abertos e gratuítos sobre o COVID-19 e reforzaba a súa distribución de alimentos e kits de primeira necesidade.

    De maneira simultánea, a Organización humanitaria deseñaba e preparaba un plan integral capaz de responder o impacto dun virus que comezaba a afectar a todos os ámbitos e a todas as persoas, unha resposta que contemplaba as 5 áreas de actuación: socorros, saúde, inclusión social, educación, emprego.

    Cifras en Redondela

    Desde o primeiro minuto, en socorros Cruz Vermella puxéronse ao dispor das autoridades sanitarias e municipais coa instalación de albergues temporais para persoas sen fogar. En Vilagarcía instalouse un albergue provisional en Fexdega; en Pontevedra, no Multiusos da Xunqueira; e en Vigo, no pavillón de O Berbés, en colaboración cos Concellos de Vilagarcía, Pontevedra e Vigo respectivamente.

    Na área de inclusión social, durante o confinamento inicial, fíxose entrega de produtos de alimentación, produtos básicos de primeira necesidade e medicamentos. Foi clave para asegurar a protección das persoas, e desde entón, estas necesidades seguen aumentando progresivamente, chegando a máis de 105 persoas na zona de Redondela.

    Na área de saúde, a Organización atendeu a máis de 222 de persoas na comarca con información, medidas preventivas, entrega de medicamentos e máscaras e ante a necesidade de apoio psicosocial, creouse a nivel nacional ‘Cruz Vermella Escóitache’, un servizo con 13 protocolos de atención que axudou xa a máis de 5.000 persoas que sufriron na súa propia pel as consecuencias da pandemia, porque perderon a seres queridos sen poder despedirse, forman parte do persoal sanitario na primeira liña ou perderon o seu emprego.

    En educación, a Organización desenvolveu rapidamente pílulas en liña formativas e informativas sobre a Covid-19 que tiveron un gran impacto, sendo vistas e realizadas por máis de 600 persoas. E respecto aos nenos e nenas dos programas de éxito escolar, a necesidade e dificultade de continuar en liña a súa educación por non dispoñer de conexións nin dispositivos, levou á Cruz Vermella a entregar material, que lles permitiu manter o contacto cos seus referentes educativos, así como o apoio nas tarefas escolares realizando entregas de material didáctico a 27 menores e realizando apoio escolar con 15.

    En canto á economía e o emprego, dentro do Plan Cruz Vermella Responde, grazas ás alianzas e ao traballo dos equipos de Cruz Vermella en Pontevedra realizáronse 41 orientacións, formacións, intermediacións laborais e ofertas en mercados inclusivos.

    Respecto ao perfil das persoas atendidas, o 63% das persoas atendidas son mulleres; o 35% ten idades entre 25 e 59 anos e as persoas maiores de 60 anos representan o 33% da poboación. En relación aos perfís das 22 persoas voluntarias, o 77% son mulleres e destaca o grupo de idade de 25 a 39 anos.

    Retos do Plan Cruz Vermella RESPONDE este ano 2021

    A partir de agora, e dado o impacto socioeconómico da crise en ámbitos como a pobreza, a exclusión social e o desemprego, intensificarán a súa resposta en ámbitos como a mellora do acceso ao mercado laboral e o apoio a menores en idade escolar co fin de facer fronte á fenda dixital que afecta á poboación máis vulnerable, garantindo así o acceso á educación, e tamén ocuparanse do impacto psicosocial que está a deixar esta crise, estes serán os novos retos que se expón a Organización humanitaria neste segundo ano da pandemia.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS