O venres 10 de xuño, ás 19:00 h, a Biblioteca Pública Municipal Xela Arias de Chapela, organiza un contacontos no parque do Piñeiral dirixido a público de todas as idades aínda que se recomenda que os cativos vaian acompañados polas súas familias.
Contos arredor do lume quere “aproveitar a caloriña e o bo tempo do verán para gozar da literatura oral nun fermoso miradoiro natural” da man da narradora Alba Grande que achegará contos de tradicións populares que falarán de lumes grandes e pequenos, de fragas e paxaros e de cobras e mulleres. Contos que tamén falan de igualdade, de coraxe e solidariedade, así como da chama interna que precisamos para andar o noso camiño. Contos que son, ademais, un fermoso alegato sobre o coidado da natureza.
A asistencia a actividade –incluída dentro do programa Ler conta moito, da Xunta de Galicia, e cofinanciado polo Concello de Redondela–, é totalmente de balde e non precisa inscrición previa.
«Contos arredor do lume», contacontos para toda a familia no parque do Piñeiral de Chapela
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.