22.5 C
Pontevedra
Luns, 15 de Abril de 2024
Máis
    HomeComarcasRedondelaContinúan abertos os prazos de solicitude de axudas para comedor escolar e...

    Continúan abertos os prazos de solicitude de axudas para comedor escolar e libros e material curricular en Redondela

    O Concello de Redondela vén de lembrar a todas as interesadas e interesados que aínda permanece aberto prazo para solicitar axudas de comedor escolar e para a adquisición de libros e material curricular para o alumnado de educación infantil da segunda etapa (de 3 a 5 anos) para o curso 2021/2022.

    No caso das axudas para o comedor escolar, o prazo pecharase o día 23 de agosto e están destinadas ás unidades familiares e de convivencia cuxas menores ou menores estean escolarizadas en centros públicos do concello de Redondela e que cursen o 2º ciclo de Educación Infantil ou Educación Primaria.

    As axudas cubrirán o período comprendido dende o comezo do curso escolar en setembro de 2021 e ata o remate do curso escolar, en xuño do 2022, aínda que se teñen en conta as posibles prórrogas por alertas sanitarias ou de outro tipo. As bases, ao completo, poden consultarse no BOPPO (Boletín Oficial da Provincia de Pontevedra) nº 137 do martes, 21 de xullo de 2021.

    Adquisición de libros e material escolar

    O prazo para as axudas destinadas á adquisición de libros e material curricular para alumnado de Educación Infantil da segunda etapa de (3 a 5 anos), estará aberto ata o día 10 de agosto e están destinadas a colectivos con carencias económicas, co fin de paliar os gastos que supoñen a escolarización dos membros da familia.

    Con estas axudas subvenciónanse a adquisición de libros e material escolar de Educación Infantil (segunda etapa) para o alumnado matriculado en centros docentes públicos de Redondela. Outórganse respectando os principios de publicidade, concorrencia e obxectividade establecendo un procedemento que tenta ser áxil, eficaz e breve no tempo.

    As bases poden consultarse no BOPPO nº 138 do mércores 21 de xullo de 2021

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.