Xornada perfecta a do domingo en Cesantes para o primeiro bautismo de kitesurf impartido polo TMKiteClub. A actividade, completamente gratuíta e aberta para nenos desde os sete anos, supuxo unha primeira toma de contacto con este deporte para un total de 30 participantes, todo un éxito de convocatoria grazas á colaboración da Concellería de Deportes do Concello de Redondela.
Voar por primeira vez unha cometa de kite, aprender a manter o equilibrio sobre a táboa e realizar unha recollida de residuos na praia foron as tres actividades principais do evento durante a mañá. O obxectivo: promover o deporte do kitesurf entre as novas xeracións, a vida saudable e a dinamización da enseada de San Simón como unha contorna perfecta para a práctica dos deportes náuticos.
“Cesantes é, sen dúbida, un dos mellores anuncios que temos nas Rías Baixas para a práctica do kitesurf, e o noso obxectivo como club é que os máis pequenos coñezan este deporte e anímense a practicalo de forma segura e nunha contorna saudable. Estamos encantados coa boa acollida que tivo a actividade e esperamos poder repetila moi pronto”, afirmaba Artur Fariñas, responsable de actividades do TMKiteClub.
O próximo evento, previo ao KiteFest e dentro do proxecto de actividades do club para este 2021, será a realización dun curso de RCP coa colaboración de Protección Civil.