16.6 C
Pontevedra
Martes, 19 de Marzo de 2024
Máis
    HomeComarcasRedondelaCesantes pon en xogo o Campionato Galego de kitesurf esta fin de...

    Cesantes pon en xogo o Campionato Galego de kitesurf esta fin de semana

    A tempada de kitesurf en Galicia non podía comezar de mellor maneira. A enseada de San Simón acolle esta fin de semana a primeira regata oficial de 2022, e faio poñendo en xogo o primeiro Campionato Galego que disputa a clase en formato regata. O TMKiteClub, organizador da regata en colaboración co Concello de Redondela, xa ten todo preparado en Cesantes para recibir a partir de mañá sábado a máis dunha trintena de participantes que pelexarán por facerse co primeiro gran título da tempada.

    “Sen dúbida é todo un reto para o noso club e sabemos que as expectativas son altas, pero estamos convencidos de que vai ser un gran campionato”, comeza explicando Tato González, presidente do TMKiteClub. “Cremos que é unha moi boa forma de inaugurar a tempada e estamos moi contentos co nivel de participación que alcanzamos. Esperamos que o vento e as condicións estean da nosa parte e que podamos cumprir co programa previsto para que o domingo teñamos aos campións e campioas de Galicia de 2022”.

    Aínda que a comezos de semana os partes non auguraban as mellores condicións para a práctica do kite na enseada, as previsións foron mellorando durante os últimos días e todo apunta a que mañá sábado Cesantes contará co seu habitual vento térmico, polo que a organización conta con poder dar o primeiro bocinazo de saída en torno ao mediodía.

    Por diante, dúas xornadas de competición nas que o Comité de Regatas tratará de completar o maior número de probas posible para as categorías Foil, Surf, Twintip e Twintip Feminino. En total, serán 32 os riders vindos de diferentes puntos de Galicia para pelexar por converterse nos primeiros campións e campioas autonómicos da clase, ofrecendo todo un espectáculo na enseada de San Simón que poderá gozarse desde a praia de Cesantes.

    O domingo, unha vez finalizada a competición, ás 18:00 horas celebrarase nas instalacións do club a entrega de trofeos.

    O Campionato Galego de Kite está organizado polo TMKiteClub Cesantes e o Concello de Redondela, por delegación da Real Federación Galega de Vela e contando coa colaboración de Padthaiwok Vialia, Aceites Abril e Nosatún.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.