14.1 C
Pontevedra
Mércores, 21 de Febreiro de 2024
Máis
    HomeComarcasRedondelaAs Bibliotecas de Redondela premian aos seus lectores máis activos no 2021

    As Bibliotecas de Redondela premian aos seus lectores máis activos no 2021

    As Bibliotecas Municipais de Redondela e como parte das celebracións do Día Mundial do Libro, fixeron entrega dos premios aos lectores e lectoras, maiores de 14 anos, que durante o pasado 2021 utilizaron máis o servizo de préstamo. Amais do recoñecemento que levan implícito os galardóns buscan tamén ser un medio de fomentar a lectura e a utilización das infraestruturas bibiliotecarias do municipio.

    Os galardoados foron Eulogio Parga como usuario da Biblioteca Pública Municipal Xela Arias de Chapela e María Teresa Míguez, como usuaria da Biblioteca Pública Municipal Valle-Inclán de Redondela. O recoñecemento os fai merecedores dun premio para a adquisición de libros nunha librería do municipio ao tempo que son nomeados e nomeadas Socios de Honra das bibliotecas ata a celebración do vindeiro ano, o que lles posibilitará levar un maior número de documentos en préstamo durante este tempo.

    A alcaldesa de Redondela, Digna Rivas, que quixo transmitir a súa felicitación a Eulogio Parga e Teresa Míguez, quixo tamén facer extensivo ese recoñecemento “ao enorme traballo de dinamización da lectura e polo tanto, de promoción da cultura, que están a desenvolver as bibliotecas municipais redondelás”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.